By اسمارٹ فون بنانے والی چینی کمپنی ویوو نے ایکس 100 سیریز کے تین نئے فونز متعارف کروا دئیے۔
کمپنی نے کچھ ہفتے پہلے ہی ایکس 100 سیریز کا سستا فون بھی متعارف کرایا تھا۔ اب کمپنی نے ویوو ایکس 100 ایس، ایکس 100 پرو اور ایکس 100 الٹرا پیش کرد ئیے ہیں ، جنہیں کیمروں اور فیچرز کے حوالے سے معیاری فون قرار دیا جا رہا ہے۔ چینی کمپنی نے تینوں فونز کے تین بیک کیمروں جبکہ ایک فرنٹ کیمرا کے ساتھ متعارف کرایا ہے اور تینوں فونز میں طاقتور بیٹری 5 ہزار ایم اے ایچ دی ہے۔ کمپنی نے تینوں فونز کو 80 سے 100 واٹ فاسٹ چارجر کے ساتھ پیش کیا ہے جبکہ تمام فونز کی اسکرین 76-6 انچ اور اس سے بھی کچھ زیادہ ہے۔ ویوو ایکس 100 ایس، ایکس 100 پرو اور ایکس 100 الٹرا کو مختلف 8، 12 اور 16 جی بی ریم جبکہ 256 اور 512 جی بی میموریز کیساتھ پیش کیا ہے۔ کمپنی نے ویوو ایکس 100 ایس کے بیک پر تینوں 50 میگا پکسلز کے کیمرے نصب کر د ئیے ہیں جبکہ فرنٹ پر 32 میگا پکسل سیلفی کیمرا لگایا گیاہے۔
ویوو ایکس 100 پرو میں بھی کمپنی نے بیک پر تینوں 50 میگا پکسل کے کیمرے د ئیے ہیں اورفرنٹ پر 32 میگا پکسل کیمرا دیا ہے۔ کمپنی نے دعویٰ کیا ہے کہ فونز کے کیمروں کے لینس کو اپ گریڈ کرکے انہیں جدید ٹیکنالوجی سے لیس کردیا ہے۔ کمپنی نے ویوو ایکس 100 الٹرا کے بیک پر بھی تین کیمرے د ئیے ہیں، جس میں سے ایک کیمرا 200 میگا پکسل جبکہ باقی دونوں کیمرے 50 میگا پکسل کے ہیں۔ ویوو ایکس 100 الٹرا کے فرنٹ پر 50 میگا پکسل سیلفی کیمرا دیا گیا ہے جبکہ تینوں فونز میں فنگر پرنٹ سینسر سمیت دوسرے سکیورٹی فیچرز بھی د ئیےگئے ہیں۔ کمپنی نے تمام فونز کی قیمتیں ماڈیولز کے حساب سے مختلف رکھی ہیں اور سب سے کم موبائل فون ویوو ایکس 100 ایس کی 8 جی بی ماڈیول کی قیمت بھی ایک لاکھ روپے کے قریب بھی ہے۔ اسی طرح کمپنی نے ویوو ایکس 100 الٹرا کے 16 جی بی ماڈیول کی سب سے زیادہ قیمت پاکستانی تین لاکھ روپے رکھی ہے۔ کمپنی کے تینوں فونز کی قیمتیں پاکستانی ایک لاکھ سے تین لاکھ روپے تک ہیں ۔
