انڈر19 ورلڈ کپ کا انتہائی اہم میچ، پاکستان کا بھارت کے خلاف ٹاس جیت کر فیلڈنگ کا فیصلہ

بلاوایو میں پاکستان نے آئی سی سی مینز انڈر 19 ورلڈ کپ کے سپر سکسز گروپ 2 کے اہم میچ میں بھارت کے خلاف ٹاس جیت کر پہلے فیلڈنگ کرنے کا فیصلہ کیا ہے۔

یہ ٹورنامنٹ کا 36 واں میچ ہے جو بلاوایو میں کھیلا جا رہا ہے، جہاں دونوں ٹیموں نے متوازن اور مضبوط الیون کے ساتھ میدان میں اترنے کا اعلان کیا۔

یہ بھی پڑھیں:پاکستانی اسپنرز کا ٹی 20 انٹرنیشنل کرکٹ میں نیا عالمی ریکارڈ قائم

بھارتی ٹیم کی قیادت آیوش مہاترے کر رہے ہیں، جبکہ ابھیگیان کنڈو وکٹ کیپنگ کی ذمہ داریاں نبھا رہے ہیں۔ بھارت کی پلیئنگ الیون میں ایرون جارج، ویبھو سوریاونشی، ویہان ملہوترا، ویدانت ترویدی، آر ایس امبریش، کنشک چوہان، کھیلن پٹیل، ہینل پٹیل اور دیپیش دیویندرن شامل ہیں۔

پاکستانی ٹیم کی قیادت فرحان یوسف کر رہے ہیں، جبکہ حمزہ ظہور وکٹ کیپر کے فرائض انجام دے رہے ہیں۔ پاکستانی الیون میں سمیع منہاس، عثمان خان، احمد حسین، حذیفہ احسن، علی حسن بلوچ، عبدالصبحان، مومن قمر، محمد صیام اور علی رضا شامل ہیں۔

پچ رپورٹ کے مطابق بارش کا امکان نہ ہونے کے برابر ہے اور میچ کو پچ نمبر 3 سے پچ نمبر 6 منتقل کر دیا گیا ہے۔ اس مقام پر 230 رنز کا ہدف کامیابی سے دفاع کیا جا چکا ہے جبکہ 260 رنز کا ہدف بھی حاصل کیا گیا ہے۔

مزید پڑھیں:پاکستان اور ویسٹ انڈیز کے اسپنرز کا ٹیسٹ سیریز میں منفرد ریکارڈ

ماہرین کے مطابق سیمرز کو خاص طور پر اوورز 11 سے 40 کے دوران زیادہ مدد ملنے کا امکان ہے، جہاں اوسط رن ریٹ 4.6 رہا ہے۔ پچ اوپر سے اچھی دکھائی دیتی ہے تاہم نیچے سے خشک ہے، جس کے باعث تیز گیند باز کھیل میں اہم کردار ادا کر سکتے ہیں، جبکہ بلے بازوں کے لیے بھی رنز کے مواقع موجود ہیں۔

ان حالات میں روایتی حریفوں کے درمیان ایک سنسنی خیز مقابلے کی توقع کی جا رہی ہے۔