پاک فوج کی مؤثر کارروائی، دوربابا میں افغان پوسٹ پر 2 اہم طالبان کمانڈرز سمیت 4 ہلاک

ضلع خیبر میں وادی تیراہ سے پاک فوج نے افغانستان کے علاقہ دور بابا میں افغان پوسٹ پر گولہ باری کی جس کے نتیجے میں 2 اہم طالبان کمانڈرز سمیت 4 افراد مارے گئے۔

میڈیا رپورٹ کے مطابق سکیورٹی ذرائع کا کہنا ہے کہ ضلع خیبر کی وادی تیراہ سے سرحد پار افغانستان کے علاقے دور بابا میں افغان طالبان کے ایک مرکز (دور بابا ) کو نشانہ بنایا گیا، جس کے نتیجے میں 4 افراد مارے گئے۔

ذرائع کا کہنا ہے کہ گولہ باری میں مارے جانے والوں میں دو اہم طالبان کمانڈرز بسم اللّٰہ اور رستم شامل ہیں، جبکہ دو دیگر افراد افغان طالبان کے رضاکار تھے۔

سیکیورٹی حکام کے مطابق کارروائی کے دوران دور بابا میں قائم افغان پوسٹ (دور بابا مرکز) بھی تباہ ہوگئی۔

یہ بھی پڑھیں: آپریشن غضب للحق : پاکستان کیجانب سے افغان طالبان کی بلااشتعال جارحیت کا منہ توڑ جواب ، اہم چیک پوسٹیں تباہ

ذرائع کے مطابق کارروائی مخصوص اہداف کے خلاف کی گئی، واقعے کے بعد سرحدی علاقوں میں کشیدگی بڑھ گئی اور سیکیورٹی ہائی الرٹ کر دی گئی۔

یاد رہے کہ پاک فوج کے آپریشن غضب للحق میں افغان طالبان رجیم کے 331 کارندے ہلاک اور 500 سے زائد کارندے زخمی ہوچکے ہیں،  افغان طالبان کی 104چیک پوسٹیں تباہ کردی گئیں جبکہ افغان طالبان کی 163 مسلح گاڑیاں اور ٹینک تباہ کردئیے گئے۔