بنگلہ دیش نے پاکستان کے خلاف تین ایک روزہ بین الاقوامی میچوں کی سیریز کے لیے اپنا اسکواڈ اعلان کر دیا ہے۔ اس سیریز میں بنگلہ دیش کے تجربہ کار کھلاڑی مہدی حسن معراج ٹیم کی قیادت کریں گے۔م
نئے اسکواڈ میں کئی ابھرتے ہوئے اور تجربہ کار کھلاڑی شامل ہیں۔ کھلاڑیوں میں سومیا سرکار، سیف حسن، تنزید حسین، نجم الحسن شنتو، توحید ہریدوئے، لٹن داس، عفیف حسین، مہدالسلام، رشاد حسین اور تنویر اسلام شامل ہیں۔ اس کے علاوہ مستفیض الرحمن، تسکین احمد، شوریفل اسلام اور ناہید رانا بھی اسکواڈ کا حصہ ہیں، جو ٹیم کی قوت میں اضافہ کریں گے۔
یہ تین ایک روزہ میچوں کی سیریز 11 سے 15 مارچ تک بنگلہ دیش میں کھیلی جائے گی اور تمام میچز شیر بنگلا نیشنل اسٹیڈیم، ڈھاکہ میں منعقد ہوں گے۔
سیریز کے پہلے میچ کے لیے ٹیموں کی تیاریوں اور پریکٹس سیشنز شروع ہو چکے ہیں، اور شائقین کرکٹ کو امید ہے کہ یہ سیریز انتہائی دلچسپ مقابلوں کا منظر پیش کرے گی۔ بنگلہ دیشی ٹیم کی قیادت میں مہدی حسن معراج کی حکمت عملی اور ٹیم کے نوجوان کھلاڑیوں کی صلاحیتیں پاکستان کے خلاف اہم کردار ادا کریں گی۔
By 
