آپریشن غضب للحق جاری، 663 دہشت گرد ہلاک اور 887 زخمی ہوچکے،عطا تارڑ

وفاقی وزیر اطلاعات عطاء اللہ تارڑ نے کہا ہے کہ افغانستان میں ہونے والی کارروائیوں کے حوالے سے نقصانات کی تفصیلات جاری کر دی گئی ہیں،انہوں نے بتایا کہ آپریشن غضب للحق کے دوران بڑی تعداد میں دہشت گردوں کو نشانہ بنایا گیا۔

سماجی رابطے کی ویب سائٹ ایکس پر اپنے بیان میں عطاء اللہ تارڑ کا کہنا تھا کہ کارروائیوں کے دوران 663 دہشت گرد ہلاک جبکہ 887 زخمی ہوئے۔ اس کے علاوہ 249 چوکیاں تباہ کی گئیں اور 44 چوکیوں پر قبضہ بھی کیا گیا۔

انہوں نے مزید بتایا کہ کارروائی کے دوران دہشت گردوں کے 224 ٹینک، بکتر بند گاڑیاں اور توپیں بھی تباہ کی گئیں۔ وزیر اطلاعات کے مطابق افغانستان کے مختلف علاقوں میں دہشت گردوں اور ان کے معاونین کے تقریباً 70 مقامات کو فضائی حملوں میں نشانہ بنایا گیا۔

✅Operation Ghazb lil Haq
✅Update 1600 hours 13 March

✅Summary of Fitna Al Khawarij / Afghan Taliban losses

▪️663 Killed,
▪️887+ Injured
▪️249 Posts destroyed
▪️44 Posts captured
▪️224 tanks, armoured vehicles, artillery guns destroyed
▪️70 terrorists and terrorist… pic.twitter.com/30qP2EAn2E

— Attaullah Tarar (@TararAttaullah) March 13, 2026

عطاء اللہ تارڑ کا کہنا تھا کہ 12 اور 13 مارچ کی درمیانی شب افغانستان میں دہشت گردوں سے منسلک ٹھکانوں کے خلاف کارروائی کی گئی۔ ان کے مطابق کابل، پکتیا اور قندھار میں دہشت گردوں کے رسد مراکز اور تربیتی کیمپوں کو ہدف بنایا گیا۔

انہوں نے کہا کہ فضائی حملوں کی ویڈیوز بھی جاری کی گئی ہیں اور کارروائی کے دوران انتہائی درستگی کے ساتھ صرف دہشت گردوں کی تنصیبات کو نشانہ بنایا گیا۔

وفاقی وزیر اطلاعات نے مزید کہا کہ افغان حکام اور بعض ذرائع ابلاغ کی جانب سے پھیلائے گئے دعوؤں کے برعکس کسی شہری آبادی یا شہری تنصیبات کو نشانہ نہیں بنایا گیا اور کارروائی مکمل طور پر دہشت گردوں کے ٹھکانوں تک محدود رہی۔