آپریشن ’غضب للحق‘ کی بڑی کارروائی، قندھار ایئر فیلڈ کی آئل اسٹوریج سائٹس مکمل تباہ، فوٹیجز بھی سامنے آ گئیں

سیکیورٹی ذرائع کے مطابق آپریشن ’غضب للحق‘ کے تحت پاک فوج نے ایک اہم کارروائی کرتے ہوئے قندھار ایئر فیلڈ کے قریب قائم آئل سٹوریج سائٹس کو مؤثر حملوں کے ذریعے تباہ کر دیا۔ کارروائی 12 اور 13 مارچ کی درمیانی شب کی گئی جس کی ویڈیو بھی جاری کر دی گئی ہے۔

سیکیورٹی ذرائع کے مطابق ویڈیو میں حملے سے پہلے اور بعد کے واضح مناظر دکھائے گئے ہیں جن میں آئل ڈمپ سائٹس کو نشانہ بنائے جانے کے بعد بڑے دھماکوں اور آگ کے شعلوں کو دیکھا جا سکتا ہے۔ سیکیورٹی ذرائع کا کہنا ہے کہ کارروائی انتہائی درست منصوبہ بندی کے تحت کی گئی اور تمام اہداف کو کامیابی سے نشانہ بنایا گیا۔

یہ بھی پڑھیں:آپریشن غضب للحق جاری: افغان طالبان رجیم کے641 کارندے ہلاک، 243 چیک پوسٹیں تباہ، وفاقی وزیر اطلاعات نے تازہ ترین اعداد و شمار جاری کردیئے

معلومات کے مطابق یہ آئل سٹوریج سائٹس شدت پسند عناصر اور افغان طالبان سے وابستہ گروہوں کی جانب سے مختلف کارروائیوں کے لیے استعمال کی جا رہی تھیں۔ ذرائع کے مطابق ان مقامات پر موجود ایندھن دہشتگرد کارروائیوں، نقل و حرکت اور عسکری سرگرمیوں میں استعمال ہو رہا تھا۔

سیکیورٹی ذرائع کا کہنا ہے کہ پاک فوج نے اس کارروائی میں نہایت مہارت اور جدید حکمت عملی کا مظاہرہ کیا۔ حملے کے نتیجے میں آئل سٹوریج سائٹس مکمل طور پر تباہ ہو گئیں جس سے شدت پسند عناصر کی رسد اور نقل و حرکت کو شدید نقصان پہنچا ہے۔

🚨🚨آپریشن غضب للحق جاری
12/13 مارچ کی شب قندھار ایئر فیلڈ کی آئل ڈمپ سائٹس پر پاک فوج کے مؤثر حملوں کی ویڈیو جاری ، پاک فوج نے مؤثر انداز میں نشانہ بناتے ہوئے قندھار ایئر فیلڈ کی آئل ڈمپ سائٹس کو تباہ کر دیا، ویڈیو میں حملوں سے پہلے اور بعد کے مناظر واضح نظر آ رہے ہیں ۔۔۔ pic.twitter.com/K1TbTJSZDo

— Azaad Urdu (@azaad_urdu) March 14, 2026

واضح رہے کہ یہ کارروائی آپریشن ’غضب للحق‘ کے تحت کی گئی جس کا مقصد سرحدی علاقوں میں دہشتگرد نیٹ ورکس کو کمزور کرنا اور ان کے ٹھکانوں کو ختم کرنا ہے۔ سیکیورٹی حکام کا کہنا ہے کہ اس آپریشن کے دوران دہشتگردوں کی پناہ گاہوں، تربیتی مراکز اور فوجی نوعیت کی تنصیبات کو نشانہ بنایا جا رہا ہے۔

علاقائی سیکیورٹی صورتحال پر نظر رکھنے والے مبصرین کے مطابق قندھار ایئر فیلڈ کے قریب موجود یہ آئل ڈمپ سائٹس شدت پسند گروہوں کے لیے نہایت اہم تھیں کیونکہ یہاں ذخیرہ کیا گیا ایندھن مختلف کارروائیوں کے لیے استعمال ہوتا تھا۔

سیکیورٹی ذرائع کا مزید کہنا ہے کہ پاک فوج دہشتگردی کے خاتمے کے لیے مؤثر اور طاقتور اقدامات جاری رکھے ہوئے ہے اور اس سلسلے میں افغان طالبان اور فتنہ الخوارج سے وابستہ دہشتگرد عناصر کے ٹھکانوں کو مسلسل نشانہ بنایا جا رہا ہے۔

ذرائع کے مطابق آپریشن ’غضب للحق‘ کے تحت کارروائیاں اس وقت تک جاری رہیں گی جب تک مقررہ اہداف مکمل طور پر حاصل نہیں ہو جاتے۔ حکام کا کہنا ہے کہ دہشتگردی کے خلاف جنگ میں کسی قسم کی نرمی نہیں برتی جائے گی اور قومی سلامتی کو ہر صورت یقینی بنایا جائے گا۔

واضح رہے  کہ حالیہ کارروائی سے دہشتگرد نیٹ ورک کو بڑا دھچکا لگا ہے اور ان کی لاجسٹک صلاحیت متاثر ہوئی ہے۔ ان کے مطابق اس طرح کی کارروائیاں سرحدی علاقوں میں امن و استحکام کے قیام کے لیے اہم کردار ادا کر سکتی ہیں۔

بریکنگ نیوز

آپریشن ’غضب للحق‘ کی بڑی کارروائی، قندھار ایئر فیلڈ کی آئل اسٹوریج سائٹس مکمل تباہ، فوٹیجز بھی سامنے آ گئیں