واشنگٹن ڈی سی میں یومِ پاکستان کی پروقار تقریب، سفیر کی جانب سے پرچم کشائی اور قومی عزم کی تجدید

امریکا کے دارالحکومت واشنگٹن ڈی سی میں قائم پاکستان ایمبیسی میں یومِ پاکستان کے موقع پر ایک پروقار پرچم کشائی کی تقریب منعقد کی گئی۔

تقریب کے دوران پاکستان کے سفیر نے 23 مارچ کی تاریخی اہمیت کو اجاگر کرتے ہوئے قومی پرچم لہرایا اور یومِ پاکستان کی جدوجہد اور اس کے قومی پس منظر پر روشنی ڈالی۔

اس موقع پر ایمبیسی کے افسران، پاکستانی کمیونٹی کے معزز افراد اور دیگر نمایاں شخصیات نے بڑی تعداد میں شرکت کی۔ شرکاء نے اس دن کی اہمیت کو سراہتے ہوئے قومی یکجہتی اور حب الوطنی کے جذبے کا اظہار کیا۔

یہ تقریب اتحاد، حب الوطنی اور پاکستان کے قیام کے بنیادی اصولوں کی تجدید عہد کی عکاس رہی، جس میں شرکاء نے ملک کی ترقی اور خوشحالی کے لیے اپنے عزم کا اعادہ کیا۔

یہ بھی پڑھیں: پاکستان ہائی کمیشن نئی دہلی میں یوم پاکستان جذبہ حب الوطنی سے منایا گیا