امریکا کی ریاست اوہائیو میں ایک عجیب و غریب واقعہ پیش آیا جہاں مطلوب شخص نے پولیس کو اپنی ہی نئی سیلفی بھیج دی، جس کے بعد یہ معاملہ سوشل میڈیا پر توجہ کا مرکز بن گیا۔
رپورٹس کے مطابق ڈونلڈ ’’چِپ‘‘ پگ نامی شخص کو ڈرائیونگ انڈر دی انفلوئنس کیس سے متعلق عدالت میں پیش نہ ہونے پر مطلوب قرار دیا گیا تھا۔ پولیس نے اس کی تلاش کے لیے ایک پرانی تصویر جاری کی تھی۔
مبینہ طور پر پگ کو اپنی پولیس تصویر پسند نہیں آئی اور اس نے حکام کو اپنی ایک نئی تصویر بھیج دی، تاکہ لوگوں کو اس کی موجودہ شکل بہتر انداز میں نظر آ سکے۔یہ غیر معمولی حرکت سامنے آنے کے بعد واقعہ تیزی سے سوشل میڈیا پر پھیل گیا۔ صارفین نے مفرور شخص کے اس عجیب اقدام پر دلچسپ تبصرے کیے۔
پولیس نے بھی اس واقعے کو مزاحیہ انداز میں لیا، تاہم واضح کیا کہ نئی تصویر بھیجنے سے اس کی مطلوب ہونے کی حیثیت تبدیل نہیں ہوئی اور وہ اب بھی قانون کے مطابق مطلوب تھا۔یہ واقعہ پولیس اور ایک مفرور شخص کے درمیان ہونے والی غیر معمولی بات چیت کے طور پر کافی عرصے تک یاد رکھا جا رہا ہے۔
By 
