حرا مانی نئی ویڈیو کے باعث سوشل میڈیا صارفین کی تنقید کی زد میں آ گئیں

معروف اداکارہ حرا مانی ایک نئی ڈانس ویڈیو کے باعث سوشل میڈیا صارفین کی تنقید کی زد میں آ گئی ہیں، اداکارہ کی یہ ویڈیو فوٹو اور ویڈیو شیئرنگ ایپ انسٹاگرام پر سامنے آئی جس میں وہ ایک مشہور بھارتی گانے پر ڈانس کرتی نظر آئیں۔

نجی ٹی وی کی رپورٹ کے مطابق حرا مانی کو موسیقی اور رقص کا شوق اپنی پہچان کے طور پر جانا جاتا ہے اور وہ اکثر سوشل میڈیا پر اپنی مختلف ڈانس ویڈیوز شیئر کرتی رہتی ہیں، تاہم حالیہ ویڈیو نے صارفین کی ایک بڑی تعداد کو تقسیم کر دیا ہے اور مختلف آرا سامنے آ رہی ہیں۔

وائرل ہونے والی اس ویڈیو میں اداکارہ کو ساڑھی زیب تن کیے خوشگوار موڈ میں دیکھا جا سکتا ہے، جہاں وہ ایک معروف بھارتی فلمی گانے پر رقص کر رہی ہیں، ویڈیو کے پھیلتے ہی سوشل میڈیا پر تبصروں کا ایک طوفان برپا ہو گیا اور صارفین نے مختلف انداز میں ردعمل دیا۔

کچھ صارفین نے اداکارہ پر تنقید کرتے ہوئے کہا کہ موجودہ مذہبی اور حساس ماحول میں اس نوعیت کی ویڈیوز شیئر کرنا مناسب نہیں، جبکہ کچھ افراد نے رائے دی کہ ہر شخص کو اپنی نجی پسند اور اظہارِ فن کی آزادی حاصل ہے۔

یہ بھی پڑھیں :ماہرہ خان کی شاہ چارلس سے ملاقات،ویڈیو وائرل

اسی طرح بعض صارفین نے مزاحیہ انداز میں تبصرے کرتے ہوئے کہا کہ اداکارہ کی حرکات کسی حد تک غیر معمولی لگتی ہیں اور بعض نے انہیں دیگر شوبز شخصیات سے متاثر قرار دیا۔

ایک طبقے کی جانب سے یہ بھی کہا گیا کہ سوشل میڈیا پر مشہور شخصیات کو اپنی ذمہ داری کا احساس کرنا چاہیے کیونکہ ان کے اقدامات لاکھوں مداحوں پر اثر انداز ہوتے ہیں۔

دوسری طرف ان کے مداحوں نے ان کا دفاع کرتے ہوئے کہا کہ حرا مانی ہمیشہ سے اپنے خوش مزاج انداز اور فنکارانہ اظہار کے لیے جانی جاتی ہیں، اس لیے اس ویڈیو کو منفی انداز میں نہیں دیکھا جانا چاہیے،یہ معاملہ اس وقت مزید زیر بحث آیا جب ویڈیو مختلف پلیٹ فارمز پر تیزی سے وائرل ہو گئی اور اس پر ہزاروں تبصرے سامنے آنے لگے۔