پی ٹی آئی کیساتھ ڈائیلاگ کاراستہ اب ممکن نہیں رہا،راناثناء

وزیراعظم کے مشیر برائے سیاسی امور و سابق وفاقی وزیر راناثناءاللہ کاکہنا ہے کہ پی ٹی آئی کیساتھ ڈائیلاگ کا راستہ اب ممکن نہیں رہا ، اب عمران خان کیخلاف غداری سمیت نئے مقدمات قائم ہوں گے۔
تفصیلات کے مطابق اسلام آباد میں نجی ٹی وی کے پروگرام میں گفتگو کرتےہوئے ان کا کہنا تھا کہ جمہوری جماعتیں کبھی بھی بات چیت سے انکار نہیں کرتیں ۔ حکومت کی جانب سے بھی پاکستان تحریک انصاف (پی ٹی آئی )مذاکرات کی آفر کی گئی لیکن اس کے جواب میں دوسری طرف سے کوئی رسپانس نہیں ملا ۔ اسد قیصر مذاکرات کی بات کریں گے تو اگلے دن اپنی جماعت سے فارغ کر د ئیے جائیں گے۔رانا ثناء اللہ کا ایک سوال کے جواب میں وزیراعلیٰ خیبر پختونخوا علی امین گنڈاپور کی دھمکیوں کے حوالے سے متعلق کہنا تھا کہ اگر وہ گورنرخیبر پختونخوا کو باہر پھینکنے کی بات کریں گے تو علی امین گنڈاپور کو بھی باہر پھینکا جا سکتا ہے۔ رانا ثناءاللہ نے کہا کہ بانی پی ٹی آئی عمران خان نے ملک کو ایسے مرحلے تک پہنچا دیا ہے۔

ملک میں سیاسی کشیدگی بڑھ چکی ہے، اب دو ہی راستے ہیں، ایک جمہوریت کا راستہ ہے جو بات چیت سے شروع ہوتا ہے، دوسرا تصادم کا راستہ ہے جس میں کسی سے نہیں ملوں گا، سب کو جیلوں میں ڈالوؤں گا ہے، تصادم کا راستہ اب ممکن نہیں رہا، پی ٹی آئی میں جو لوگ اس لہجے کے بجائے تحمل سے بات کرتے ہیں وہ سائیڈ لائن کر دئیے جاتے ہیں ، ان کا کہنا تھا عدالت میں جانے والا ہر فریق چاہتا ہے کہ اس کے حق میں فیصلہ آئے ، ملک میں توہین عدالت کا قانون ہونا چاہیے جو شخص توہین عدالت کا مرتکب ہو اس کو سزا دی جائے ۔ اس کو نااہل کیا جائے تو یہ بڑا نقصان ہوتا ہےاس کے علاوہ میرا خیال ہے کہ عدالت کو وارننگ اور جرمانے سے بات شروع ہونی چاہیے، دوسرے اور تیسرے مرحلے میں سزا سنائی جائے ۔