By اسلام آباد پولیس نے سابق وزیراعظم آزاد کشمیر و صدر استحکام پاکستان پارٹی سردار تنویر الیاس خان کے تینوں بیٹوں کو گرفتار کر لیا۔
اسلام اباد پولیس نے سابق وزیراعظم آزاد کشمیر سردار تنویر الیاس خان کے تینوں بیٹوں کو جمعہ کو گرفتار کیا۔
اسلام آباد پولیس نے تھانہ کوہسار کی حدود سے مشیر آزادکشمیر حکومت سردار احمد صغیر کے بھائی سردار عفیف صغیر کو بھی گرفتار کر لیا۔
سابق وزیر اعظم آزاد کشمیر کے بیٹوں کے ساتھ ساتھ سردار صغیر چغتائی مرحوم کے بیٹوں کے خلاف تھانہ مارگلہ میں شیراز خان نامی شخص نے ہراساں کرنے اور جان سے مارنے کی دھمکی دینے کا مقدمہ درج کرایا تھا۔
سردار تنویر الیاس کے ترجمان نے بتایاکہ بے بنیاد مقدمات بنا کر سردار تنویر الیاس خان اور ان کے فیملی ممبران کو پولیس تنگ کر رہی ہے، ترجمان نے واضح کیا کہ سابق وزیراعظم سردار تنویر الیاس خان کی گرفتاری کی خبریں بے بنیاد ہیں۔
