By مولانا فضل الرحمٰن کا کہنا ہے کہ میرا اڈیالہ جیل والے سے کوئی رابطہ نہیں ہے۔ اس حوالے سے جھوٹ بولا جارہاہے۔
تفصیلات کے مطابق جمعیت علمائے اسلام (ف)کے سربراہ مولانا فضل الرحمٰن نے اسلام آباد میں میڈیا سے گفتگو کرتے ہوئے کہا کہ ہمارے ہمسفر نے الیکشن کے نتائج کو تسلیم کیا اور اقتدار میں بیٹھ گئے ۔ ہم سر تسلیم خام نہیں کریں گے۔ 2018اور 2024میں الیکشن نتائج تبدیل کروائے گئے ۔میرا اڈیالہ جیل والے سے کوئی رابطہ نہیں ہے۔اس حوالے سے جھوٹ بولا جارہا ہے۔ان کا کہناہے کہ ہم مثبت جمہوری جدوجہد پر یقین رکھتے ہیں اور پارلیمانی نظام سےوابستہ ہیں اوررہیں گے، پاکستان کے خلاف ہر سازش کا مقابلہ کریں گے، عالمی قوتیں پاکستان پر کنٹرول حاصل کرنے کی کوشش کرتی ہیں۔ ہم نے 2018 کے نتائج مسترد کیے 2024 کے الیکشن کے نتائج بھی مسترد کرتے ہیں۔
مزید پڑھیں: عمران خان کا سپریم کورٹ کو ایک اور خط لکھنے کا فیصلہ
سربراہ جے یو آئی (ف) کا مزید کہنا تھا کہ ہم اصول پر کھڑے ہیں اور کسی صورت سرنڈر نہیں کریں گے۔ جو قوتین ایسا کرتی ہیں انہیں عوام کے سامنے سرنڈر کرنا ہوگا۔ انہوں نے کہا کہ ہم اصول پر کھڑے ہیں ہم سرنڈر نہیں کریں گے، جو قوتیں ایسا کرتی ہیں انہیں عوام کے سامنے سرنڈر کرنا پڑے گا، ہم نتائج بھگتنے کے لئے تیار ہیں، ہم نےسوات و فاٹا آپریشنز پر اعتراض کیا تھا۔
انہوں نےکہا کہ دہشتگردی ختم ہونے کی بجائے بڑھ گئی ہے، بلوچستان اور کے پی کے میں ریاستی رٹ ختم ہوچکی ہے، عوام مسلح افراد کے رحم و کرم پر ہیں، یہ معلوم نہیں ہوسکا کہ ہمارے ادارے دہشتگردی کے خلاف لڑ رہے ہیں یا فاٹا کے وسائل پر کنٹرول حاصل کررہے ہیں۔
