By پنجاب اسمبلی میں قائد حزب اختلاف ملک احمد خان بھچر نے کہا ہے کہ حکومت پاکستان تحریک انصاف (پی ٹی آئی ) کیخلاف بدترین انتقامی کارروائیاں کر رہی ہے۔
تفصیلات کے مطابق لاہور پریس کلب میں پریس کانفرنس کرتے ہوئے ملک احمد خان بھچر کا کہنا تھا کہ عدالتی حکم کے باوجو د تحریک انصاف کو ورکرز کنونشن سے روکا جا رہا ہے ۔ تحریک انصاف کے خلاف بدترین کارروائیاں کر کے عدلیہ کے وقار کو مجروح کرنے کی کوشش کی جا رہی ہے ۔ اپوزیشن لیڈر پنجاب اسمبلی نے مزید کہا کہ ٹک ٹاکر وزیراعلیٰ کا عوام کی خدمت کے بجائے تحریک انصاف کے خلاف کارروائیوں پر سارا دھیان ہے۔
مزید پڑھیں :مولانا فضل الرحمٰن نے عمران خان سے جیل میں رابطوں کی تردید کر دی
انہوں نے پریس کانفرنس کے دوران ایک سوال کے جواب دیتے ہوئے کہا کہ آنے والے بجٹ سے کوئی اچھے کی توقع نہیں کی جا سکتی ۔ ٹک ٹاکر وزیر اعلیٰ سے ملکی معیشت نہیں سنبھالی جا رہی ۔ ان کے مطابق شوگر مافیا کو نوازنے کے لیے شوگر باہر بھیجنے کی اجازت دے دی گئی ہے ۔ ان کا مزید کہنا تھا کہ بانی پی ٹی آئی عمران خان کے کیسز کا فیصلہ میرٹ پر ہونے دیا جائے ۔
