بچپن سے ڈاکٹر بننے کا شوق، كراچی سول ہسپتال میں ڈاکٹر بن کر گھومنے والا بیکری ملازم پکڑا گیا

کراچی کے سول ہسپتال کے ٹراما سینٹر میں سکیورٹی گارڈز نے جعلی ڈاکٹر بن کر گھومنے والے بیکری کے ملازم کو پکڑ لیا۔

ڈاکٹر گاؤن پہنا عبداللہ نامی شخص سول ہسپتال ٹراما سینٹر کے فلور پر گھوم رہا تھا۔شک ہونے پر سکیورٹی گارڈ نے پکڑا تو پتا چلا وہ جعلی ڈاکٹر ہے اور حلیہ دھارے گھوم رہا ہے۔

سکیورٹی گارڈ نے بتایا کہ 3 ماہ قبل بھی اسے پکڑا تھا۔

حکام کہنا ہے کہ گرفتارشخص ڈاکٹرکا حلیہ اپنا کرمریضوں کا چیک اپ کر رہاتھا۔

پولیس حکام کے مطابق  انتظامیہ نے بتایا عبداللہ کسی بیکری کا ملازم ہے، اسے ڈاکٹر بننے کا شوق ہے اور ہسپتال میں گھومتا رہتا ہے۔

 ہسپتال حکام نے بتایا کہ 3 ماہ پہلے پکڑے جانے پر اسے پولیس کے حوالے کرنے کے بجائے وارننگ دے کر چھوڑ دیا تھا۔