By بھارتی کرکٹ ٹیم کے مسلمان فاسٹ بولر محمد سراج ورلڈ کپ جیتنے کے بعد اللہ کا شکر ادا کرنے پر ہندوانتہاء پسندوں کے نشانے پرآگئے ۔
تفصیلات کے مطابق سراج نے آئی سی سی ٹی20 ورلڈکپ جیتنے کے بعد ٹیم کیساتھ تصویر شیئر کی ،جس میں سماجی رابطے کی سائٹ ایکس پر کیپشن میں لکھا کہ اللہ تعالیٰ کا شکر ہے۔جس پر ہندو انتہاپسندآپے سے باہر ہو گئے اور مسلمان فاسٹ بولر کو ٹوئٹر پر تنقید کا نشانہ بنا یا اور لکھا کہ’’ یہ اللہ تعالیٰ کی نہیں ٹیم انڈیا کی فتح ہے‘‘اور یہ ہندوستانی کرکٹ ٹیم کے کپتان روہت شرما کی جیت ہے۔ ایک اور شخص نے کیپشن میں لکھا کہ اگر اللہ نے کرنا ہوتا تو ٹی ٹوئنٹی ورلڈکپ 2024پاکستان جیتتا، بھارت نہیں ۔
یہ بھی پڑھیں:چیمپئینز ٹرافی 2025 میں شرکت، بھارت سے مثبت اشارے ملنے لگے
دوسری جانب گجرات میں کرکٹ ٹورنامنٹ میں مسلمان کھلاڑیوں کی مثبت کارکردگی کو سرہانے پر سلمان وہرہ نامی تماشائی کو ہندو بلوائیوں نے بلے اور چاقوں کے پے درپے وار سے قتل کردیا تھا۔ بھارتی میڈیا رپورٹس کے مطابق مقامی افراد کاکہنا تھا کہ کرکٹ میچ میں 5 ہزار تماشائیوں میں محض 500 مسلم تماشائی موجود تھے، بلوائیوں کے تشدد کے دوران متاثرہ شخص مدد کے لئے پکارتا رہا مگر ہزاروں کے ہجوم میں سے کوئی بھی اس کی مدد کو نہ آیا۔
