تعمیراتی شعبے کیلئے بھی اہم خبر آگئی، سیمنٹ کی قیمتوں میں ریکارڈ اضافہ

سیمنٹ کی بوری کی قیمت میں 207روپے کا اضافہ ہوگیا۔

تفصیلات کے مطابق نئے مالی سال کے پہلے ہی ہفتے میں وفاقی بجٹ کےاثرات آنا شروع ہوگئےاورسیمنٹ کی قیمتوں میں بھی ریکارڈ اضافہ کردیا گیا۔ سیمنٹ کی 50 کلو بوری کی قیمت میں 207 روپے تک کا اضافہ ہوا جس کے بعد سیمنٹ کی بوری کی قیمت 15سو روپے تک پہنچ گئی۔

وفاقی بجٹ میں سیمنٹ پر فیڈرل ایکسائز ڈیوٹی کی مد میں صرف ایک روپیہ اضافہ کیا گیا تھاجبکہ حکومت نے سیمنٹ پر فیڈرل ایکسائز ڈیوٹی فی کلو 3 روپے سے بڑھاکر 4 روپے کردی تھی۔ یہ بھی دیکھنے میں آیا کہ لاہور اور پشاور میں دیگر شہروں کے مقابلے میں سیمنٹ کی قیمتیں سب سے زیادہ ہیں۔

مزید پڑھیں: ٹیکسوں کی بھرمار سے تنگ معروف اداکار حکومت پر برس پڑے

ایک ہفتے میں لاڑکانہ میں سیمنٹ کی 50 کلو بوری 207 روپے تک مہنگی ہوئی، پشاور 177، بنوں 163، کوئٹہ اور سرگودھا 160، اور ملتان میں سیمنٹ کی بوری کی قیمت میں 155 روپے مہنگی ہوئی۔

اس کے عکاوہ کراچی اور لاہور میں سیمنٹ کی بوری 150 روپے مہنگی ہوئی، اسلام آباد 151، گوجرانوالہ 147 ،فیصل آباد 140 ،سیالکوٹ 130 ،حیدر آباد 120 اور راولپنڈی میں سیمنٹ کی بوری کی قیمت میں 107 روپے تک بڑھ گئی ہے جبکہ ایک ہفتے میں خضدار میں سیمنٹ کی 50 کلو بوری 23 روپے تک مہنگی ہوگئی ہے۔