By اسٹیٹ بینک نے مالی سال 2024 میں ورکرز ترسیلات کی تفصیلات جاری کردیں۔
تفصیلات کے مطابق مرکزی بینک کا کہنا ہے کہ جون میں ورکرز ترسیلات 3.2 ارب ڈالر رہیں۔ مالی سال 2024 میں ورکرز ترسیلات 30.3 ارب ڈالر رہیں، ورکرز ترسیلات مالی سال 2023 کے مقابلے میں 10.7فیصد سے زائد رہیں۔
اسٹیٹ بینک کے مطابق مالی سال 2023 کی ورکرز ترسیلات 27.3 ارب ڈالر تھیں۔ مرکزی بینک کا مزید کہنا ہے کہ مالی سال 2024 میں سعودی عرب سے پاکستانیوں نے 7.42 ارب ڈالرکی ترسیلات بھیجیں۔
متحدہ عرب امارات (یو اے ای) سے مالی سال 2024 میں 5.53 ارب ڈالرکی ترسیلات پاکستان بھیجی گئیں۔ اس کے علاوہ برطانیہ سے 4.52 ارب ڈالر کی ورکرز ترسیلات بھیجی گئیں۔
یہ بھی پڑھیں : دنیا کی پہلی سی این جی بائیک متعارف کرادی گئی
امریکا سے 3.53 ارب ڈالر اور یورپی یونین سے ورکرز ترسیلات 3.53 ارب ڈالرپاکستان آئیں۔اسٹیٹ بینک آف کا کہنا ہےکہ دیگر ملکوں سے 5.76 ارب ڈالر کی ورکرز ترسیلات پاکستان بھیجی گئی ہیں ۔
