نئے توشہ خانہ ریفرنس کی سماعت : عمران خان کا جج سے مکالمہ، جج صاحب میری بیوی کا توشہ خانہ سے کچھ لینا دینا نہیں

دورانِ سماعت بانی پی ٹی آئی نے جج سے مکالمہ کرتے ہوئے کہا کہ بشری بی بی کو صرف مجھے ازیت پہنچانے کے لیے جیل میں ڈال رکھا ہے۔

تفصیلات کے مطابق نئے توشہ خانہ ریفرنس میں سماعت کے آغاز پر بانی پی ٹی آئی نے میڈیا کی غیر موجودگی پر اعتراض کیا اور کہا کہ
اگر میڈیا نہیں آتا تو میں عدالت سے واک آوٹ کرجاوں گا ، بانی پی ٹی آئی کے اعتراض پر عدالت نے میڈیا نمائندگان کو جیل کے اندر بلانے کا حکم دیا، اور میڈیا نمائندگان کے عدالت میں داخل ہوتے ہی سماعت کا آغاز ہو گیا۔

سماعت کے آغاز پر بانی پی ٹی آئی روسٹم پر گے اور جج سے مکالمہ کرتے ہوئے کہا کہ جج صاحب میری بیوی کا توشہ خانہ سے کچھ لینا دینا نہیں، بشری بی بی کو صرف مجھے ازیت پہنچانے کے لیے جیل میں ڈال رکھا ہے۔انہوں نے کہا کہ مجھے جیل میں ڈالیں میری ۔بیوی کو تو چھوڑ دیں،عمران خان نے کہا کہ میری بیوی کو بادشاہ سلامت ٹارگٹ کررہے ہیں،کیونکہ میں نے اس کو آئی ایس آئی کے عہدے سے ہٹایا اور میری بیوی نے اس کی سفارش نہیں کی،

مزید پڑھیں: توشہ خانہ کیس، عمران خان اور بشریٰ بی بی کیخلاف نئی تحقیقات شروع

بانی پی ٹی آئی عمران خان نے جج سے مکالمہ کرتے ہوئے کہا کہ انہوں نے جیل میں چار مرتبہ قرآن پڑھا ہے اس میں ججز پر اللہ نے بہت ذمہ داری ڈالی ہے،اور کہا کہ جج صاحب آپ اللہ کو جوابدہ ہیں، آئی ایس آئی کو جوابدہ نہیں ہیں۔ بعد ازاں چیئرمین نیب کے حوالے سے بات کرتے ہوئے عمران خان نے کہا کہ چئیرمین نیب اور طوائفہ میں کوئی فرق نہیں، طوائف جسم فروش کرتی ہے یہ ضمیر فروشی کررہا ہے،

عمران خان نے جج سے مکالمہ کرتے ہوئے کہا کہ سابق وزیراعظم کو رات 12 بجے بتایا جاتا ہے صبح نیا کیس لگے گا، نیب والے روبوٹ ہیں، ان کو تنخواہ دے کر جو مرضی کام کروالیں، پہلے جس ریفرنس میں سزا ہوئی وہ جیولری سیٹ ہمارے پاس ہے، اس کی قیمت 1 کروڑ 80 لاکھ تھی انھوں نے سوا تین ارب کردی،

بانی پی ٹی آئی عمران خان نے کہا کہ پہلے آفتاب سلطان اور دیگر لوگ مستعفی ہوئے کیونکہ یہ غلط فیصلے کرانا چاہتے تھے، مزید دوسرا کیس اس لیے بنایا ہے کیونکہ ان کو پتا چل گیا ہے پہلا سیٹ ہمارے پاس ہے، جنگل کے بادشاہ نے سب کچھ کروایا ہے،
سماعت کے دوران بانی پی ٹی آئی اور بشری بی بی ایک ساتھ بیٹھے رہے۔