By خیبرپختونخوا حکومت نے سابق وزیر اعظم و بانی پی ٹی آئی عمران خان اور ان کی اہلیہ بشریٰ بی بی پر نئے توشہ خانہ کیس کیخلاف عدالت جانے کا فیصلہ کر لیا۔
تفصیلات کے مطابق صوبائی کابینہ کے معاون خصوصی برائے اینٹی کرپشن مصدق عباسی کا کہنا ہے کہ عدت میں نکاح کیس بھی توشہ خانہ مقدمے کی طرح بے بنیاد ہے، ان کے مطابق ، ایک جیسےکیسز کو الگ الگ چلا کر بانی تحریک انصاف کو جیل میں رکھا جا رہا ہے۔
مصدق عباسی کا مزید کہنا تھا کہ توشہ خانہ کیس میں بانی پی ٹی آئی اور ان کی اہلیہ کی گرفتاری ڈالی گئی ۔ فرد جرم یہ ہے کہ تحائف توشہ خانہ کے ذریعے نہیں لیے گئے، یہ بھی فرد جرم عائد کی گئی کہ تحائف کی قیمت کم لگائی گئی اور تحائف کے ریکارڈ کو بدلاگیا۔
یاد رہے کہ اس سے پہلے بھی عمران خان اور بشریٰ بی بی کو توشہ خانہ کیس میں عدالت نے سزا سنائی تھی جسے بعد میں دوسری عدالت نے ختم کرتے ہوئے دونوں کو کیس سے بری الزمہ کر دیا تھا۔
یہ بھی پڑھیں:اپوزیشن لیڈر عمر ایوب نے حکومت پر سنگین الزام عائد کر دیا
گزشتہ روزایڈیشنل سیشن عدالت اسلام آباد نے عمران خان اور بشریٰ بی بی کو عدت میں نکاح کیس میں دی گئی سزائیں معطل کرتے ہوئے دونوں کو بری کرنے کا حکم دیا تھا۔
