By پاکستان تحریک انصاف (پی ٹی آئی) نے پٹرولیم مصنوعات کی قیمتوں میں ناقا بل برداشت اضافہ یکسر مسترد کر دیا۔
تفصیلات کے مطابق ترجمان پاکستان تحریک انصاف نے مطالبہ کیا ہے کہ مینڈیٹ چور سرکار پٹرولیم مصنوعات کی قیمتوں میں اضافہ فوری طور پر واپس لے ۔ ترجمان نے کہا کہ بے رحم ، نالائق ، نااہل مینڈیٹ چور حکومت ملکی تاریخ کی سب سے بڑی عوام دشمن سرکار بن کر سامنے آئی ہے۔
پاکستان تحریک انصاف کے ترجمان کا کہنا تھا کہ عوام کے وو ٹوں سے نہ بننے والی حکومت ہر وہ قدم اٹھا رہی ہے جس سے عوام کی زندگیاں مشکل سے مشکل ترین ہوتی جا رہی ہیں۔ ترجمان پی ٹی آئی کے مطابق مہنگے ایندھن اور مہنگی ترین بجلی نے عوام کا جینا اجیرن کر دیا ہے اور معیشت کا بیڑہ غرق کر دیا ہے۔
یہ بھی پڑھیں:تحریک انصاف پر کسی کا باپ بھی پابندی نہیں لگاسکتا،وزیر اعلیٰ خیبر پختونخوا
تحریک انصاف کے ترجمان نے کہا کہ ٹیکس کے نظام کو بہتر کرنے اور عوام کی آمدن اور قوتِ خرید بڑھانے کے بجائے تیل اور بجلی کو ریاستی بھتہ خوری کا کلیدی وسیلہ بنا دیا گیا ہے۔
