بلے باز کا خطرناک شارٹ لگنے سے بالر زخمی ہو گئے

 امریکا میں جاری میجر لیگ کے میچ میں جنوبی افریقی بالر بیٹسمین کی زور دار شارٹ سر پر لگنے سے شدید زخمی ہوگئے۔

تفصیلات کے مطابق میچ کے دوران سان فرانسسکو یونیکورنز کے جنوبی افریقی بالر کارمی لی روکس کی گیند پر ان کے ہم وطن سیئٹل اورکاس کے بیٹر ریان رکلیٹن نے ایک تیز شارٹ کھیلا جو سیدھا بالر کے سر پر جا لگا جس سے وہ زخمی ہو گئے اور ان کو گراؤنڈ سے باہر جانا پڑا۔

یہ بھی پڑھیں:قومی کپتان ندا ڈار نے اہم سنگ میل عبور کرلیا

جس کے بعد ان کی جگہ اوور کی بقیہ گیندیں امریکی آل راؤنڈر کورے اینڈرسن نے پھینکیں۔ تاہم واقعہ کے بعد بالر ہوش میں تھے جس کی وجہ سے سنجیدہ نوعیت کی انجری سے محفوظ رہے۔

یہ بھی پڑھیں: ویمنز ایشیا کپ: بھارت نے پاکستان کو 7 وکٹوں سے شکست دے دی

دوسری جانب فاسٹ بولر کے سر پر گیند لگنے کی وجہ سے بقیہ میچز میں شرکت مشکوک ہو گئی ہے اس حوالے سے فرنچائز کی جانب سے کوئی باضابطہ بیان جاری نہیں کیا گیا۔ واضح رہے کہ امریکی میجر لیگ کا آغاز 5 جولائی سے ہوا تھا جبکہ ایونٹ کا فائنل 28 جولائی کو کھیلا جائے گا۔