By وفاقی وزیراطلاعات عطا تارڑ نے امیر مقام کے ہمراہ پریس کانفرنس کرتے ہوئے کہا کہ آج وزیراعلیٰ خیبرپختونخوا نےجلسےسےبڑا پرجوش خطاب کیا، علی امین گنڈا پورنےمیٹنگ میں تعاون کا یقین دلایا، ہم ان کی مجبوری سمجھتےہیں انہوں نےاڈیالہ بھی جواب دینا ہوتا ہے، ایک طرف کہتےہیں آپریشن نہیں ہونےدیں گے، دوسری طرف کہتےہیں کسی کی اجارہ اداری قائم نہیں ہونےدیں گے۔
انہوں نے کہا کہ دہشت گردوں کوتحریک انصاف واپس لے کر آئی، بٹ گرام میں درختوں کےکاٹنےکا بہت بڑا سکینڈل سامنےآیا ہے، ٹمبرمافیا وہاں آپریٹ کررہا ہے، ٹمبرمافیا میں علی امین گنڈا پورکا اپنا ایک وزیرملوث ہے، وزیراعلیٰ خیبرپختونخوا کےبیانات تضادات کا مجموعہ ہیں، وزیراعلیٰ خیبرپختونخوا بتائیں کہ ٹمبرمافیا کیخلاف کیا اقدامات کیے؟۔
عطا تارڑ کا کہنا تھا کہ جماعت اسلامی کولیاقت باغ میں جلسے،دھرنےکی اجازت دی گئی تھی، انتظامیہ کےساتھ تمام معاملات طےکیےگئےتھے، اسلام آباد میں آئےروزکوئی نا کوئی گروپ ٹریفک جام کردیتا ہے، ٹریفک جام کی وجہ سےلوگوں کومشکلات کا سامنا کرنا پڑتا ہے۔
وفاقی وزیر اطلاعات نے کہا کہ لیاقت باغ کےبعد اسلام آباد کی طرف پیش قدمی سمجھ نہیں آتی، حافظ نعیم الرحمان سے گزارش ہے، حکومت مذاکراتی ٹیم تشکیل دینےکوتیارہے، جماعت اسلامی بیٹھ کرمذاکرات کرے، اکنامک ریفارمزایجنڈے کےثمرات سامنےآرہےہیں، بجلی کےبلوں کی مد میں50ارب روپےکی سبڈی دی گئی ہے، بجلی کی سبسڈی سب لوگوں کےلیےہے۔
انہوں نے مزید کہا کہ جماعت اسلامی کےساتھ اچھےماحول میں معاملات کوآگےلیکرچلیں گے، جماعت اسلامی لیاقت باغ میں ہی احتجاج کرے، ملک کی سالمیت کےلیےجماعت اسلامی لیاقت باغ میں پرامن جلسہ کرے، جب بھی جماعت اسلامی عندیہ دے گی حکومت کی تین رکنی ٹیم بات کرے گی، ڈی چوک میں احتجاج کی کسی صورت اجازت نہیں دی جا سکتی، کوئی تخریب کارگھس کرامن وامان کونقصان پہنچاسکتا ہے۔
رہنما ن لیگ امیرمقام نے اس موقع پر کہا کہ جیسےباتیں کی جارہی ہیں پختونخوا میں ویسا کوئی آپریشن نہیں ہورہا، علی امین گنڈا پورنے آج کے جلسے میں کہا کہ آپریشنز کے لیے امریکہ سے ڈالرز آتے ہیں تو مجھے اس بات کا جواب دیں کہ آپ کو جس نے بھی یہ بتایا چاہے اڈیالہ جیل سے پتا چلا ہو مجھے یہ بتائیں ؟ اس سے پہلے جتنے بھی بڑے آپریشن کے پی میں ہوئے ہیں اس وقت آپ کا دور حکومت تھا، تو اس وقت جو ڈالرز آئے وہ کہاں ہیں تو اس کی وضاحت آپ کو دینی چاہیے۔
امیرمقام کا کہنا تھا کہ قیام امن کےلیےریاست کی رٹ قائم کرنا ہوگی، سکیورٹی کےحوالے سےچند لوگ غیرضروری بیان بازی کررہےہیں، علی امین گنڈا پورکےجلسےکودیکھ کرضروری سمجھا کہ انہیں جواب دوں۔
