By اسلام آباد: پاسپورٹ آفس نے سیاہی کے اسٹاک کی قلت کے باعث پاسپورٹ پرنٹنگ میں ممکنہ قومی بحران کا خدشہ ظاہر کیا ہے۔
تفصیلات کے مطابق کسٹم ڈپارٹمنٹ کو لکھے گئے خط میں پاسپورٹ آفس نے فوری طور پر سیاہی سے متعلق سامان کی کلیئرنس کی درخواست کی ہے۔ پاسپورٹ آفس نے کسٹمز سے کہا ہے کہ وہ قومی مفاد کا حوالہ دیتے ہوئے موخر ادائیگی کی بنیاد پر سیاہی کی کھیپ کو کلیئر کریں۔ ذرائع کا کہنا ہے کہ بحران سے بچنے کے لئے سیاہی کی کھیپ کی کلیئرنس بہت ضروری ہے۔یہ پہلی بار نہیں ہے کہ پاسپورٹ آفس کو بحران کا سامنا کرنا پڑا ہے۔ اس سے قبل لیمینیشن پیپر کی کمی کی وجہ سے پاسپورٹ پرنٹنگ کا کام بھی متاثر ہوا تھا۔
یہ بھی پڑھیں: سوزوکی کمپنی کا ’آلٹو‘گاڑی مزید سستی کرنے کا فیصلہ
پاسپورٹ آفس کو سیاہی کی شدید قلت کا سامنا ہے جو پاسپورٹ کی چھپائی کے لیے ضروری ہے۔ اگر صورتحال کو فوری طور پر حل نہ کیا گیا تو یہ بحران کا باعث بن سکتا ہے، ہزاروں شہریوں کو پاسپورٹ کے حصول میں مشکلات کا سامنا کرنا پڑ سکتا ہے۔
