By غیر قانونی تعمیرات کیس میں پی ٹی آئی رہنما و رکن قومی اسمبلی شیر افضل مروت پر فردِجرم عائد کر دی گئی۔
تفصیلات کے مطابق سول جج ڈاکٹر ممتاز ہنجرا نے فارم ہائوس میں غیر قانونی تعمیرات کے کیس میں رکن قومی اسمبلی شیر افضل مروت پر فرد جرم عائد کر دی۔ سول جج ڈاکٹر ممتاز ہنجرا نے شیر افضل مروت پر فرد جرم عائد کرتے ہوئے ڈائریکٹر جنرل آر ڈی اے سے26 ستمبر کو گوہ اور ثبوت طلب کر لیے ہیں۔
مزید پڑھیں: بانی پی ٹی آئی کی رہائی کی تحریک کیلئے کسی این او سی کی ضرورت نہیں: شیر افضل مروت
روالپنڈی ڈویلپمنٹ اتھارٹی نے شیر افضل مروت پر غیر قانونی تعمیرات تجاوزات مسمار کرکے تھانہ نصیر آباد میں مقدمہ درج کرایا تھا، جس پر آج عدالت نے فردِ جرم عائد کی۔ تاہم ملزم شیر افضل مروت نے صحت جرم سے انکار کر دیا۔ عدالت نے بادی النظر میں آڑ دی اے الزام کو تسلیم کرنے سے انکار کرتے ہوئے ڈائریکٹر آرڈی اے کی بھی طلبی کی گئی۔
خود پر عائد الزامات پر شیر افضل مروت نے کہا کہ یہ الزام جھوٹا ہے، پرانی تاریخ کا نوٹس ڈال کر کارروائی کی گئی۔ فارم ان کا ذاتی ملکیتی ہے، کوئی تجاوزات یا غیر قانونی تعمیرات نہیں کی گئیں۔
