By پیٹرولیم مصنوعات کی قیمتوں میں مزید اضافے کا امکان، حکومت نے پیٹرولیم مصنوعات پر سیلز ٹیکس لاگو کرنے پر غور شروع کر دیا۔
تفصیلات کے مطابق حکومت کی معاشی ٹیم نے فیڈر بورڈ آف ریونیو کو پیٹرولیم مصنوعات پر سیلز ٹیکس لگانے کیلئے تجاویز تیار کرنے کی ہدایت کی ہے۔ اگر حکومت پیٹرولیم مصنوعات پر سیلز ٹیکس لاگو کرتی ہے تو یکم اگست سے پیٹرولیم مصنوعات کی قیمتوں میں کمی کا امکان یکسر ختم ہوجائیگا۔
مزید پڑھیں: پاکستان میں پیٹرول کی قیمتوں میں کمی کا امکان
اس سے پہلے آئل اینڈ گیس ریگولیٹری اتھارٹی (اوگرا)نے عالمی مارکیٹ میں خام تیل کی قیمتیں گرنے کی وجہ سے پیٹرول کی قیمت میں 10روپے اور ڈیزل کی قیمت میں ساڑھے پانچ روپے کی کمی کی تجویز دی ہے۔
واضح رہے کہ حکومت پہلے ہی پیٹرولیم مصنوعات پر 70روپے فی لیٹر پیٹرولیم ڈویلپمنٹ لیوی لے رہی ہے۔
