By چیئرمین پی ٹی آئی بیرسٹر گوہر علی خان نے الیکشن ایکٹ ترمیمی بل کو سپریم کورٹ میں چیلنج کرنے کا اعلان کر دیا۔
تفصیلات کے مطابق قومی اسمبلی میں بل کی منظوری کے بعد اظہار خیال کرتے ہوئے بیرسٹر گوہر کا کہنا تھا کہ ایک بنی بنائی سازش کے تحت پی ٹی آئی سے انتخابی نشان چھین لیا گیا اور پوری کوشش کی گئی ہے کہ ہماری پارٹی الیکشن میں بری طرح ہار جائے ۔ انہوں نے کہا کہ آپ سپریم کورٹ کے فیصلے اور ڈگری کو سیٹ اسائیڈ کرنے کی کوشش کر رہے ہیں، مائنارٹی ہمارا حق ہے اس میں تین چیزیں انہوں نے رکھی ہیں، اتنی عجلت میں یہ امینڈمنٹ پاس کر دی گئی، آپ کی ورڈنگ میں بھی غلطی ہے۔
یہ بھی پڑھیں: اپوزیشن کے احتجاج کے باوجودالیکشن ایکٹ ترمیمی بل کثرت رائے سے منظور
بیرسٹر گوہر کا کہنا تھا کہ اپنے آئین کو دیکھیں یہ کس کے کہنے پر آپ کر رہے ہیں، آئین کا آرٹیکل 51 کہتا ہے ہر آزاد امیدوار کے پاس تین دن کا ٹائم ہوتا ہے وہ جس پارٹی میں جانا چاہے چلا جائے، آپ کاش سپریم کورٹ کی ججمنٹ کا آرڈر پڑھ چکے ہوتے، ہم اس کی مذمت کرتے ہیں،یہ بل آپ نے لاء اینڈ جسٹس کمیٹی کو نہیں بھیجا۔
انہوں نے کہا کہ ایم این ایز سے آج پوچھ لیں کہ اس میں کیا موجود تھاان کو بھی نہیں پتا۔یہ آج سپریم کورٹ پر حملہ کرنیوالے ہیں،ہم اس کی پرزور مذمت کرتے ہیں اور اس بل کو ہم سپریم کورٹ میں چیلنج کرنے کا اعلان کرتے ہیں۔
