By گوادر اور دیگر شہروں میں عوام کے تعاون، سیکیورٹی فورسز کی کاوشوں اور حکومتی اقدامات سے شہروں کی صورتحال بہتری کی جانب گامزن ہے۔
تفصیلات کے مطابق گوادر اور دیگر شہروں کے تجارتی مراکز کھلے اور کاروباری سرگرمیاں بحال ہونے لگی ہیں ۔ شہروں میں دکانیں، بینک اورپیٹرول پمپ کھل گئے ہیں جبکہ تمام شاہراہوں پر ٹریفک بحال ہوچکی ہے اور کاروبار زندگی رواں دواں ہے۔
مقامی مچھیروں کے مطابق روزگار بھی بحال ہوچکا ہے اورشہریوں کا کہنا ہے کہ ہم لوگ اب اپنی دوکانیں اور مارکیٹیں کھول سکتے ہیں کیونکہ حالات پر قابو پا لیا گیا ہے۔ گوادر کے ساتھ ساتھ تربت ، نوشکی اور پنجگور میں بھی معمولات زندگی بحال ہوگئے ہیں اور تمام شاہراہوں پر ٹریفک بحال ہوچکی ہے۔ چند مقامات پر علامتی طور پر ماہ رنگ بلوچ کے حامی ابھی بیٹھے ہوئے ہیں۔ جن سے معاملات زندگی پر کوئی اثر نہیں پڑ رہا، بلوچستان کی غیور عوام نے ترقی مخالف عناصر اور شرپسندوں کا بیانیہ مسترد کر دیا ہے۔
