By قومی اسمبلی میں اپوزیشن لیڈر عمر ایوب خان نے وادی تیراہ میں خوارجی دہشت گردوں کے خلاف کارروائی میں زخمی ہونیوالے لیفٹیننٹ عزیر محمود ملک کی شہادت پر انہیں زبردست خراج عقیدت پیش کیا۔
تفصیلات کے مطابق عمر ایوب خان نے شہید لیفٹیننٹ عزیز محمود ملک کے اہل خانہ سے کی ۔ انہوں نے کہا کہ شہید کے اہل خانہ کے دکھ اور غم میں برابر کا شریک ہوں، لیفٹیننٹ عزیر محمود ملک نے بہادری سے آپریشن کی قیادت کی اور 4دہشت گردوں کو جہنم واصل کیا۔
عمر ایوب نے کہا کہ پاکستان کی پوری قوم اپنی فوج کے بہادر افسران و جوانوں کو خرا ج تحسین پیش کرتی ہے۔ دہشت گردی کے خلاف جنگ میں پاکستانی قوم پاک فوج کے شانہ بشانہ کھڑی ہے، ہمارے شہداء اور ان کے اہل خانہ پوری قوم کا فخر ہیں۔
یہ بھی پڑھیں:پاکستان کی غزہ میں التابعین سکول پر اسرائیلی حملے کی شدید مذمت
اپوزیشن لیڈر نے کہا کہ پاک فوج کے افسران اور جوانوں نے دہشتگردی کے خلاف جنگ میں لازوال قربانیاں دی ہیں، قوم کے کل پر اپنا آج قربان کرنے والے فوج کے بہادر افسران اور جوان ہمارے ماتھے کا جھومر ہیں۔ انہوں نے اللہ تعالیٰ سے شہید کے درجات کی بلندی اور سوگوار خاندان کے لئے صبر جمیل کی دعا بھی کی ۔
