By سال کا دوسرا طاقتور ترین شمسی طوفان آج زمین سے ٹکرایا جس کی وجہ سے جنوبی اور شمالی کرہ میں روشنیاں نظر آئیں۔
امریکی نیشنل اوشیانک اینڈ ایٹموسفیئر ایڈمنسٹریشن (این او اے اے) کے مطابق جی 4 کی سطح کے طور پر درجہ بندی کردہ طوفان پیر کے روز زمین سے ٹکرایا اور اس کے اثرات کئی گھنٹوں تک رہنے کی توقع ہے۔خبر رساں ایجنسی نے نوٹ کیا کہ طوفان کے مزید شدت اختیار کرنے کی توقع نہیں ہے۔ شمسی طوفان کی وجہ سے پیر کی رات الاباما اور شمالی کیلیفورنیا کے آسمان پر شمالی روشنیوں کی خوبصورت نمائشیں نظر آئیں۔
یہ بھی پڑھیں: منسوخ ، ایکسپائرڈ شناختی کارڈز پر جاری سمز بلاک کرنیکا فیصلہ
یہ طوفان سورج سے بڑے پیمانے پر ذرات کے اخراج کی وجہ سے پیدا ہوا تھا، جو سیارے کی فضا میں داخل ہونے پر زمین کے مقناطیسی میدان میں خلل ڈالتے ہیں۔ این او اے اے نے خبردار کیا ہے کہ شمسی طوفان جی پی ایس، خلائی جہاز، سیٹلائٹ اور دیگر ٹیکنالوجیز کو متاثر کرسکتا ہے۔
مئی میں آنے والے سب سے طاقتور طوفان کے بعد یہ اس سال زمین سے ٹکرانے والا دوسرا بڑا شمسی طوفان ہے، جس کے زمین سے ٹکرانے کے بعد امریکہ، یورپ اور آسٹریلیا میں روشنیاں نظر آئیں۔
