By وفاقی وزیر اطلاعات و نشریات عطا تارڑ نے کہا ہے ملکی سالمیت کو نقصان پہنچانے والے تمام لوگ قانون کے شکنجے میں آئینگے۔
تفصیلات کے مطابق لاہور میں پریس کانفرنس کے دوران وزیر اطلاعات عطا تارڑ کا کہنا تھا کہ آئی ایس پی آر کی پریس ریلیز کے مطابق لیفٹیننٹ جنرل ریٹائرڈ فیض حمید کے بعد گزشتہ روز مزید 3 افسران کی گرفتاری اس بات کا واضح ثبو ت ہے کہ فیض حمید اور بانی پی ٹی آئی کا آپس میں را بطہ تھا ۔
ان کا کہنا تھا کہ افسران کی گرفتاریوں کے بعد مزید شواہد سامنےآرہے ہیں، ان کے تمام تر اقدامات ملک میں عدم استحکام لانے کی کوشش تھی، انتشاری ٹولے کے ساتھ مل کر انہوں نے ملک کونقصان پہنچایا، لگتا ہے مزید گرفتاریاں بھی عمل میں لائی جائیں گی۔
وفاقی وزیر نے کہا کہ بانی پی ٹی آئی کی جیل سےبھی پیغام رسانی کی جارہی تھی، ملک میں عدم استحکام پھیلا نے میں عمران خان کی منشاء شامل تھی، جس نے بھی ملکی سالمیت کونقصان پہنچایا تمام لوگ قانون کے شکنجےمیں آ ئینگے۔
عطا تارڑ کا کہنا تھا کہ بانی پی ٹی آئی کے کہنے پر تمام چیزیں کی جارہی تھیں، ایک جیل کے افسر کو بھی تحویل میں لیا گیا ہے، کسی کےساتھ کوئی رعایت نہیں ہونی چاہیے، ملک میں استحکام کے حوالے سے اچھی خبریں آرہی ہیں، انتشاری ٹولے کا احتساب بھی ضروری ہے۔
یہ بھی پڑھیں:علی امتیاز وڑائچ کو پی ٹی آئی نے پنجاب اسمبلی میں اہم عہدہ دیدیا
انہوں نے مزید کہا کہ ایک ادارے نےاحتساب کا عمل شروع کیا جوکہ اچھی بات ہے، خود احتسابی کا عمل ہرادارے کو اپنانا چاہیے ، وزیراعظم جلد قوم سے خطاب کریں گے، وزیراعظم قوم سے خطاب کےدوران 5 سالہ معاشی پلان کا اعلان کریں گے۔
