By شکیل خان کو وزارت سے ڈی نوٹیفائی کرنے پر پاکستان تحریک انصاف کے رہنما عاطف خان بھی حمایت میں کھل کر سامنے آگئے۔
عاطف خان کا سوشل میڈیا پلیٹ فارم ایکس’ٹویٹر‘پر کہنا ہے کہ ’’شکیل خان دس سال کابینہ میں ساتھ رہے، آج تک ان سے زیادہ ایماندار وزیر نہیں دیکھا۔ جیل میں عمران خان کے پوچھنے پر انہوں نے خیبرپختونخوا کابینہ میں کرپشن کی نشاندہی کی تھی۔ شکیل خان کیخلاف سازش کی گئی جس کے دو کرداروں کو وقت آنے پر بے نقاب کریں گے۔‘‘
مزید پڑھیں: گورنر خیبر پختونخوا فیصل کریم کنڈی مستعفی صوبائی وزیر شکیل خان کے لیے سامنے آ گئے
دوسری جانب پریس کلب میں میڈیا سے گفتگو کرتے ہوئے رہنما مسلم لیگ ن دانیال چودھری کا کہنا تھا کہ شکیل خان نے کہا ہے کہ خیبر پختونخوا میں ہر کوئی کرپشن میں ملوث ہے، خیبر پختونخوا اسمبلی سے کرپشن کی وجہ سے شکیل خان نے استعفی دیا۔ انہوں نے کہا کہ بطور وزیر اعلی علی امین گنڈا پور نے صوبے میں جو کام کیے اس کی ماضی میں مثال نہیں ملتی، خیبر پختونخوا میں احتساب کا ادارہ بند کیا گیا ہے، اب خیبر پختونخوا میں ان کی وکٹیں گرنا شروع ہو گئیں۔
رہنما مسلم لیگ ن کا مزید کہنا تھا کہ شہدا نے اپنا آج پاکستان کے مستقبل کیلئے قربان کیا، شہدا کی فیملیز پوچھ رہی ہیں کہ نو مئی کے واقعہ پر آپ نے کیا ایکشن لیا،آئی ایس پی آر نے کہا ہے کہ سب سے پہلے فوج نے احتساب کا عمل اپنے اندر سے شروع کیا، فوج میں خود احتسابی کا عمل خوش آئند ہے۔
