By ایف آئی اے اسلام آباد زون کی بڑی کاروائی، گوجر خان کے قریب آئیسکو کے پانچ اہلکاروں کو آڈٹ کلیئر کروانے کے لیے ایک کروڑ سے زائد رشوت دیتے ہوئے رنگے ہاتھوں گرفتار کر لیا گیا ہے۔
ایف آئی اے اسلام آباد زون نے آئیسکو اہلکاروں کو آڈٹ کلیئر کروانے کے لیے کروڑوں روپے رشوت لیتے ہوئے رنگھے ہاتھوں گرفتار کر لیا گیا ہے، تفصیلات کے مطابق آڈٹ آفسران نے آئیسکو آڈٹ کلئیر کروانے کے نام پر کڑوروں روپے رشوت وصول کی۔ایف آئی اے زرائع کے مطابق گرفتار ملزمان میں ذیشان علی، نزر حسین، اشتیاق احمد، جہانگیر احمد اور ثاقب صغیر شامل ہیں ۔ ملزم ذیشان علی اکبر بطور آڈٹ آفیسر اور نزر حسین اسسٹنٹ آڈٹ آفیسر کو آڈٹ کے لئے نامزد کئے گیا تھا۔ایف آئی اے زرائع کے مطابق ملزمان کو ڈپٹی ڈائریکٹر پروکیورمنٹ اینڈ کوآرڈینیشن لاہور آفس کی جانب سے نامزد کیا گیا تھا،
یہ بھی پڑھیں: اینٹی کرپشن اسٹیبلشمنٹ خیبر پختونخوا کی تحقیقات کے طریقہ کار میں بڑی تبدیلی کر دی گئی
ملزمان کو آئیسکو آپریشن جہلم سرکل اور ریجنل منیجر ٹرانسفارمر ورکشاپ اسلام آباد کے آڈٹ کے لئے نامزد کیا گیا تھا، ایف آئی اے زرائع کے مطابق ملزمان سے 1 کروڑ 4 لاکھ 75 ہزار روپے برآمد کیئے گئے ہیں اور ملزمان کو جی ٹی روڈ گوجر خان سے گرفتار کیا گیا ہے۔ملزمان کو مذکورہ رقم آئیسکو کے آکاونٹ آفیسر اشتیاق احمد، جہانگیر احمد اور ثاقب صغیر کی جانب سے دی گئی تھی، ایف آئی اے زرائع کے مطابق ملزمان کو رقم سمیت رنگھے ہاتھوں گرفتار کر لیا گیا ہے۔
یہ بھی پڑھیں: خیبر پختونخوا حکومت نے 554 مستقل ملازمین کو نکالنے کی منظوری دے دی
ابتدائی تفتیش کے مطابق آئیسکو کے آفسران نے مذکورہ رقوم فیلڈ میں تعینات اہلکاروں سے وصول کی ہے اور ملزمان کے خلاف اینٹی کرپشن سرکل اسلام آباد نے مقدمہ درج کر لیا ہے اور ملزمان کو گرفتار کر کے تفتیش کا آغاز کر دیا گیا۔ایف آئی اے زرائع کے مطابق گرفتار ملزمان کی نشاندہی پر مزید گرفتاری متوقع ہیں۔
