By سربراہ پشتونخوا ملی عوامی پارٹی محمود خان اچکزئی نے کہا ہے کہ پاکستان تحریک انصاف(پی ٹی آئی) کیساتھ مذاکرات کر کے ملک کوبحرانوں سےنکالا جائے۔
تفصیلات کے مطابق قومی اسمبلی کے اجلاس میں گفتگو کے دوران سربراہ پشتونخوا ملی عوامی پارٹی محمود اچکزئی کا کہنا تھا کہ ہم ایک دوسرے کوطعنےنہ دیں، ایک دوسرے کا بھائی بننا ہو گا تب ہی جا کر ملک کو بحرانوں سے نکال سکتے ہیں ۔
انہوں نے خواجہ آصف کو جواب دیتے ہوئے کہا کہ پی ٹی آئی کے ساتھ مذاکرات ہونے چاہئیں اور ملک کوبحرانوں سےنکالا جائے، اسٹیبلشمنٹ سمیت سب سے بات چیت کیلئے تیار ہوں، نواز شریف کا بیان آیا ہے سب بیٹھ کر بات کریں، آئیں۔ ملک کو بحرانوں سے نکالنے کیلئے چیف آف آرمی سٹاف سمیت ہم سب مل کر بیٹھیں۔
یہ بھی پڑھیں:تحریک انصاف 8 ستمبر کا جلسہ ضرور کرے گی، بیرسٹر گوہر خان
سربراہ پشتونخوا ملی عوامی پارٹی کا مزید کہنا تھا کہ ہم نے اسٹیبلشمنٹ سے کہنا ہے آپ ہماری اسٹیبلشمنٹ ہیں، ہماری فوج ہیں، بس ہم کہیں گے کہ (ن)لیگ، پیپلزپارٹی، جمعیت علمائے اسلام (جے یو آئی ف)، سنی اتحاد کونسل اور تمام جماعتیں متفق ہیں، ملک میں آئین کی بالادستی کیلئے مذاکرات کی بات ہوتی ہے تو آپ ایک دوسرے پر چھریاں پھیرتے ہیں، آئیں! مل کر بیٹھیں کہ یہ بدبخت بحران کس طرح آیا۔
