By ہونڈا کی جانب سے سی ڈی 70 2025 ماڈل متعارف کرائے جانے کے صرف 18 دن بعد روڈ پرنس نے اپنا 2025 آر پی 70 ماڈل لانچ کر دیا ہے۔
تفصیلات کے مطابق روڈ پرنس کا نیا آر پی 70 سی سی معمولی کاسمیٹک تبدیلیوں کے ساتھ ہونڈا سی ڈی 70 کی نقل معلوم ہوتا ہے۔ 2025 روڈ پرنس آر پی 70 میں 70 سی سی انجن، دو ٹائر، ایک سنگل سیٹ، ایک انجن، چار انڈیکیٹرز، ایک فیول ٹینک، ایک اسپیڈومیٹر، ایک ہیڈ لائٹ اور ٹیل لائٹ اور دو مڈ گارڈز ہیں۔ موٹر سائیکل میں نئے اسٹیکرز اور گرافکس بھی شامل ہیں۔
یہ بھی پڑھیں: یاماہا 125 کی ستمبر کیلئے قیمت سامنے آگئی
حالیہ لانچ کے باوجود روڈ پرنس نے اپنی ویب سائٹ کو 2025 آر پی 70 کے بارے میں تفصیلات کے ساتھ اپ ڈیٹ نہیں کیا ہے۔ قریب سے معائنہ کرنے پر یہ واضح ہوا ہے کہ موٹر سائیکل میں نمایاں تبدیلیاں نہیں آئی ہیں ، صرف معمولی گرافک کی تبدیلی کی گئی ہے۔
2025 کے آر پی 70 ماڈل کی قیمت ایک لاکھ 9 ہزار 500 روپے ہے جو ہونڈا سی ڈی 70 کے مقابلے میں تقریبا 55 ہزار 500 روپے سستا ہے۔ جس سے یہ پاکستان میں دستیاب سب سے سستی برانڈ نئی موٹر سائیکلوں میں سے ایک ہے۔
