نواز شریف مذاکرات میں رکاوٹ نہیں بلکہ عمران خان ہیں، رانا ثنا اللہ

پاکستان مسلم لیگ (ن) کے سینئر رہنما اور وزیر اعظم شہباز شریف کے سیاسی مشیر رانا ثناء اللہ نے کہا ہے کہ پارٹی کے صدر نواز شریف مذاکرات میں رکاوٹ نہیں بلکہ پاکستان تحریک انصاف (پی ٹی آئی) کے بانی اور سابق وزیر اعظم عمران خان ہیں۔

تفصیلات کےمطابق رانا ثناء اللہ کا کہنا تھا کہ اسٹیبلشمنٹ اور 9 مئی کے واقعات پر عمران خان کا مؤقف واضح نہیں۔ نواز شریف چاہتے ہیں کہ پی ٹی آئی سمیت تمام سیاسی جماعتیں مل بیٹھ کر مذاکرات کریں۔انہوں نے مزید کہا کہ نواز شریف نے کبھی نہیں کہا کہ پی ٹی آئی کو مذاکرات سے باہر رکھا جائے۔ وزیر اعظم نے مذاکرات میں حصہ لینے سے پہلے پی ٹی آئی کو کبھی معافی مانگنے کے لیے نہیں کہا۔

یہ بھی پڑھیں: گاڑی اور موٹر سائیکل مالکان کے لیے اہم خبر

جب ان سے پوچھا گیا کہ کیا حکومت نے پی ٹی آئی کے ساتھ مذاکرات کی پیشگی شرط واپس لے لی ہے تو رانا ثناء اللہ نے جواب دیا کہ وزیر اعظم نے مذاکرات سے پہلے پی ٹی آئی کو معافی مانگنے کے لیے نہیں کہا۔انہوں نے مزید کہا کہ اسٹیبلشمنٹ اور 9 مئی کے واقعات پر عمران خان کا غیر واضح موقف مذاکرات کی راہ میں رکاوٹ ہے۔رانا ثناء اللہ نے مزید کہا کہ نواز شریف نے کبھی پی ٹی آئی کو مذاکرات سے باہر رکھنے کا مشورہ نہیں دیا۔

انہوں نے یاد دلایا کہ وزیر اعظم نے اسمبلی کے فلور پر اپوزیشن سے رابطہ کیا اور انہیں بات کرنے کے لئے کہا۔ انہوں نے اس بات پر زور دیا کہ بات چیت کے بغیر مسائل حل نہیں ہوسکتے۔ نواز شریف نے یہ بھی کہا ہے کہ اگر تمام جماعتیں مل کر کام کریں تو ملک اپنے چیلنجز پر قابو پا سکتا ہے۔