By اسلام آباد ہائی کورٹ نے پشتون تحفظ موومنٹ (پی ٹی ایم) کے رہنما اور سابق ایم این اے علی وزیر کی ضمانت منظور کر لی ہے۔
جسٹس بابر ستار اور جسٹس سردار اعجاز اسحاق خان پر مشتمل بنچ نے علی وزیر کی رہائی کا حکم دیا، جنہیں اڈیالہ جیل میں قید کیا گیا تھا۔ علی وزیر کی ضمانت پچیس ہزار روپے کے ضمانتی مچلکوں کے عوض منظور کی گئی ہے۔
یہ بھی پڑھیں: نواز شریف مذاکرات میں رکاوٹ نہیں بلکہ عمران خان ہیں، رانا ثنا اللہ
قبل ازیں انسداد دہشت گردی عدالت نے علی وزیر کی ضمانت مسترد کر دی تھی، جس کے بعد انہوں نے اسلام آباد ہائی کورٹ سے رجوع کیا تھا۔ علی وزیر کے خلاف دہشت گردی کا مقدمہ درج ہے۔
علی وزیر کی جانب سے وکیل عطاء اللہ کنڈی عدالت میں پیش ہوئے اور ضمانت کے لیے درخواست دائر کی۔ عدالت کے فیصلے سے پشتون تحفظ موومنٹ کے حامیوں میں خوشی کی لہر دوڑ گئی ہے۔ اسلام آباد ہائی کورٹ کے اس فیصلے کے بعد علی وزیر جلد ہی جیل سے رہائی حاصل کر سکیں گے، اور ان کی رہائی کے لیے قانونی عمل مکمل کیا جائے گا۔
