By میڈیا رپورٹس کے مطابق پاکستان تحریک انصاف (پی ٹی آئی) کے بانی اور سابق وزیراعظم عمران خان نے اڈیالہ جیل میں سماعت کے دوران قومی احتساب بیورو (نیب) کے تفتیشی افسر محسن ہارون کو دھمکی دی کہ باہر نکل کر تمہیں اور چیئرمین نیب کو نہیں چھوڑوں گا۔
اڈیالہ جیل میں بانی پی ٹی آئی اوران کی اہلیہ بشریٰ بی بی کے خلاف توشہ خانہ کے نئے ریفرنس کی سماعت ہوئی۔
بانی پی ٹی آئی نے نیب تفتیشی افسر کے پاس جا کر کہا کہ تمہارے بنائے کیسز کے سبب میری بیوی جیل میں ہے، باہر نکل کر تمہیں اور چیئرمین نیب کو نہیں چھوڑوں گا، رہا ہوتے ہی دونوں کوعدالت لے جاؤں گا۔
اڈیالہ جیل میں میڈیا سے گفتگو کرتے ہوئے بانی پی ٹی آئی عمران خان کاکہنا تھا کہ کچھ لوگ پارٹی کے اندر علی امین گنڈاپور کے خلاف سازشیں کر رہے ہیں، میں علی امین کے ساتھ کھڑا ہوں، وزیراعلیٰ کے پی کے خلاف سازشیں کرنے والے بعد میں نا کہیں کہ ٹکٹ نہیں ملا۔
یاد رہے کہ نیب تفتیشی افسر نے اس سے قبل بھی 4مرتبہ بانی پی آئی کی دھمکیوں کا میڈیا کوبتایا تھا۔
