By بانی پی ٹی آئی عمران خان نے اڈیالہ جیل میں صحافیوں سے غیر رسمی گفتگو کرتے ہوئے کہا ہے کہ عوام کو حقیقی آزادی کے لیے باہر نکلنا ہو گا اور 8 ستمبر کے جلسے کو کامیاب بنانا ہو گا۔
تفصیلات کے مطابق بانی پی ٹی آئی کہا کہ 22 اگست کا جلسہ منسوخ کرنے کے لیے منتیں کی گئی تھیں اور آٹھ ستمبر کو جلسہ کرنے کی یقین دہانی کروائی گئی مگر اب اس میں بھی رکاوٹیں کھڑی کی جا رہی ہیں ۔انہوں نے عوام کے لیے پیغام دیا کہ آٹھ ستمبر کو عوام نکلے یہ حقیقی ازادی کی جنگ ہے ، آزادی انصاف سے آتی ہے اس کے لیے قوم باہر آئے، بانی پی ٹی آئی نے کہا کہ نیب ترامیم تباہی کا راستہ ہے آج ملک اشرافیہ کے قبضے میں ہے اور ملک کی چھوٹی سی اشرافیہ نے اربوں کے کیس معاف کروا لیے ہیں ، نکا کہنا تھا کہ نیب ترامیم آئین کے بھی خلاف ہیں اوردنیا کی کسی بھی پارلیمنٹ میں ایسا نہیں ہوا کہ قانون پاس کروا کر چوری معاف کروائی گئی ہو ۔
مزید پڑھیں: خیبر پختونخوا میں مالی بحران کے باوجود مختلف محکموں میں لاکھوں کی تنخواہوں پر کنسلٹنٹ تعنیات
عمران خان نے کہا کہ نیب نے 2017 تک 290 ارب روپے اکٹھے کیے اور ہمارے ساڑھے تین سال میں نیب نے 480 ارب روپے اکٹھے کیے اور اس کے علاوہ ابھی مزید 1100 ارب روپے اکٹھے ہونا تھے اور نیب ترامیم کے بعد صرف ڈیڑھ کروڑ اکٹھا ہو سکا ہے انہوں نے کہا کہ چوریاں معاف کروائی جا رہی ہیں اور قوم کو کہا جاتا ہے کہ قربانیاں دو ۔ بانی پی ٹی آئی نے کہا کہ اشرافیہ نے اس ملک میں اربوں کے کیس معاف کروائے ۔ عمران خان نے کہا کہ اڈیالہ جیل میں سینکڑوں قیدی 50 ہزار سے ایک لاکھ کے مچلکے اور جرمانے جمع نہ کروائے جانے کے باعث قید ہیں نیب ترامیم کے ذریعے چوروں کو بڑی چھوٹ دے دی گئی ہے اورقانون سے بالاتر لوگ ہمیشہ بچ جاتے ہیں ۔
مزید پڑھیں: 9 مئی واقعات کی تحقیقات : کے پی حکومت کا جوڈیشل کمیشن تشکیل کے لیے پشاور ہائی کورٹ کو خط
پہلے مشرف اور اس کے بعد جنرل باجوا نے ان کو این آر او دیا، عمران خان نے کہا کہ میرے دور میں نیب جنرل باجوا کے انڈر تھا جسٹس جاوید اقبال نے بتایا تھا کہ زرداری اور شریف فیملی کے اربوں کے ریفرنسز ہیں مگر جنرل باجوا کاروائی نہیں کرنے دے رہے ہیں۔ انہوں نے کہا کہ سپریم جوڈیشل کونسل کے تحت نیب کو خود مختار ادارہ بنایا جائے ۔نیب کے تفتیشی افیسر کو دھمکی نہیں دی میں نے کہا تھا کہ چیئرمین نیب اور نیب کی تفتیشی افیسر پر کیس کروں گا تاکہ یہ آئندہ لوگوں کو انتقام کا نشانہ نہ بنائیں ، انکا کہنا تھاکہ نیب کے خلاف عدالت جانا چاہتا ہوں تاکہ نیب کے لوگوں کو بھی خوف ہو ۔آرمی چیف نے نفرتیں کم کرنے کا بیان دیا ہے۔میری مودبانہ گذارش ہے کہ نفرتیں آپ کی وجہ سے ہیں۔نواز شریف کے ساتھ لندن ایگریمنٹ کے بعد پی ٹی آئی پر ظلم کیا گیا اورکوئی بتائے میری بیوی کا کیا قصور ہے کہ سات ماہ سے جیل میں ہے؟
مزید پڑھیں: تحریکِ انصاف کا 8 ستمبر کو بھر پور عوامی طاقت کا مظاہرہ کرنیکا اعلان
بانی پی ٹی آئی عمران خان نے کہا کہ منی لانڈرنگ کو کھلی چھوٹ دے دی گئی اب اسے کوئی نہیں روک سکتا ہے انہوں نے کہا کہ محسن نقوی کے پانچ ملین ڈالر بیرون ملک پڑے ہیںمریم نواز چار میفئر فلیٹس کی مالکن ہے اور انکا کہنا تھا کہ شہباز شریف کے پانچ اور اصف علی زرداری کے اٹھ ریفرنس ختم ہوئے اورفریال تالپور کی دبئی لیگس میں پانچ جائیدادیں سامنے ائیں ۔بانی پی ٹی آئی کا کہنا تھا کہ نیب ترامیم کے ذریعے وائٹ کالر کرائم کو این ار او دے دیا گیا ہے اورنیب کو خود مختار ادارہ بنانا چاہتے ہیں اور یہ بھی چاہتے ہیں کہ نیب کا بھی احتساب ہو ۔انہوں نے واضح کیا کہ اس ملک کو ڈنڈے کی نہیں انصاف کی ضرورت ہے ہم بھیڑ بکریاں نہیں انسان ہیں انصاف ہوتا ہے تو امن آتا ہے ۔ انکا کہنا تھا کہ ہمیں کہتے ہیں کہ ن لیگ کے ساتھ نہیں بیٹھتے، انہوں نے الیکشن میں ڈاکہ مارا ان کے ساتھ کیسے بیٹھ جائیں ؟
