By ملک میں آٹے کی قیمت میں اگست کے دوران ماہانہ اورسالانہ بنیادوں پرکمی ریکارڈ کی گئی ۔
تفصیلات کے مطابق گزشتہ ماہ 2024میں ملک میں 20کلوگرام آٹے کی اوسط قیمت 1 ہزار 8 سو چھیالیس روپے تک ریکارڈ کی گئی ہے جبکہ جولائی کے مقابلے میں 5 فیصد اور گزشتہ سال اگست 2023 کے مقابلے میں 34 اعشاریہ 61 فیصد کم ہے ۔ یاد رہے کہ جولائی میں ملک میں 20کلوگرام آٹے کی اوسط قیمت1943.45روپے اور گزشتہ سال اگست میں 2 ہزار 8 سو 23 روپے تھی ۔
یہ بھی پڑھیں: ہونڈا 125 دو سالہ آسان اقساط پر کتنے کا ملے گا؟ خریداروں کیلئے اہم خبر
اعدادوشمار کے مطابق اگست میں اسلام آباد میں 20کلوگرام آٹے کے تھیلے کی اوسط قیمت 1 ہزار 9سو 28 روپے ، راولپنڈی میں ایک ہزار 9 سو 19 روپے ، گوجرانوالہ میں 1 ہزار 7 سو 72 روپے ، سیالکوٹ میں 1 ہزار 8 سو 11 روپے ، لاہور 1 ہزار 7 سو 55 روپے ، فیصل آباد 1 ہزار 6 سو 21 روپے تک ریکار ڈکی گئی ہے ۔
یہ بھی پڑھیں: سوزوکی آلٹوپانچ سالہ پلان پر کتنے کی ملے گی ؟ خریداروں کیلئے اہم خبر
اسی طرح سرگودھا شہر میں 1 ہزار 8 سو 65 روپے ، ملتان میں 1 ہزار 6 سو 94 روپے، بہاولپور ، کراچی ، حیدر آباد ، سکھر اور لاڑکانہ میں بالترتیب 1830 روپے، 1994روپے، 1997روپے، 1775 روپے، 1859روپےریکارڈ کی گئی ۔ اس کے علاوہ پشاور میں 1 ہزار 7 سو 85 روپے ، بنوں میں 1 ہزار 7 سو 79 روپے ، کوئٹہ میں 2 ہزار 31 روپے اور خضدار میں فی 20 کلو کے تھیلے کی قیمت 2 ہزار 61 روپے تک ریکارڈ کی گئی ہے ۔
