By پارلیمنٹ ہاؤس کی لا ئٹس بند ، سول کپڑوں میں ملبوس پولیس اہلکار پارلیمنٹ کے اندر داخل ہو گئے ۔
تفصیلات کے مطابق پار لیمنٹ میں اس وقت صاحبزادہ حامد رضا، شیخ وقاص اکرم، زین قریشی اور شاہد خٹک سمیت دیگر رہنماموجود ہیں ۔ خدشہ ظاہر کیا جارہا ہے کہ پی ٹی آئی اراکین اسمبلی کو حراست میں لیا جا سکتا ہے ۔
واضح رہے کہ اس سے قبل اسلام آباد پولیس نے پی ٹی آئی کے چیئرمین بیرسٹر گوہر اور شیر افضل مروت کو بھی پارلیمنٹ کے باہر سے حراست میں لیا جبکہ پولیس ذرائع کے مطابق شعیب شاہین کو ان کے گھر سے گرفتار کیا گیا ہے۔
اسلام آباد پولیس کی جانب سے سنی اتحاد کونسل کے سربراہ صاحبزادہ حامد رضا کو پارلیمنٹ ہاؤس کے اندر سے گرفتار کیا گیا جبکہ پی ٹی آئی ایم این اے مولانا نسیم الرحمان کو بھی حراست میں لیا گیا ہے۔
ذرائع کا کہنا تھا کہ نئے قانون کے مطابق جلسے میں موجود پنجاب کی قیادت کےخلاف بھی کریک ڈاؤن شروع ہونے کا امکان ہے اور اسلام آباد پولیس نے پنجاب پولیس کو باضابطہ طور پر آگاہ کر دیا ہے۔ پارلیمنٹ ہاؤس کے اند ر موجود پی ٹی آئی رہنماؤں کو حراست میں لے لیا گیا ہے ۔
یہ بھی پڑھیں:چیف جسٹس کا اپنی مدت ملازمت میں توسیع لینے سے انکار
ذرائع نے بتایا کہ پی ٹی آئی رہنماؤں کے خلاف مقدمات 3 تھانوں میں درج کیے گئے ہیں، مقدمات اسمبلی اینڈ پبلک آرڈر2024کے تحت درج کئے گئے مقدمات میں کار سرکار میں مداخلت، توڑ پھوڑ اور دفعہ 144کی خلاف ورزی کی دفعات شامل ہیں۔
