By پاکستان تحریکِ انصاف کی مرکزی قیادت کے خلاف 8 ستمبر جلسے کےتناظر میں تھانہ سنگجانی میں تین مزید مقدمات درج کیئے گئے ہیں۔
تفصیلات کے مطابق پاکستان تحریکِ انصاف کی مرکزی قیادت کے خلاف اسلام آباد کے نواحی علاقےسنگجانی کے پولیس اسٹیشن میں درج مقدمات کی تفصیلات کے مطابق ایک مقدمہ جلسے کیلئے جاری این او سی کی خلاف ورزی پر درج کیا گیا ہے اور اس اس مقدمے میں پی ٹی آئی کی جلسے میں موجود تمام قیادت کو نامزد کیا گیا ہے ۔ پولیس زرائع کا کہنا ہےکہ مقدمات کی ایف آئی آرز کو میڈیا سے چھپانے کیلئے اعلیٰ افسران نے خصوصی ہدایات جاری کیں اورمقدمے میں وزیراعلی کے پی کے علی امین گنڈا پور کو بھی نامزد کیا گیا ہے ،۔
مزید پڑھیں: پی ٹی آئی رہنماؤں کی گرفتاری: اسلام آباد ہائی کورٹ نے آئی جی اسلام آباد کو طلب کر لیا
تھانہ سنگجانی میں ہی سابق سپیکر اسد قیصر اور چئیر مین پی ٹی آئی کے وکیل نعیم پنجوتھہ کے خلاف بھی انسداد دھشتگردی کے الگ الگ مقدمات درج کئے گئے ہیں۔ دوسری جانب پاکستان پیپلز پارٹی کے مرکزی رہنما نے قومی اسمبلی کے اجلاس کے دوران پارلیمنٹ ہاؤس سے پی ٹی آئی رہنماؤں کی گرفتاری کی شدید مذمت کرتے ہوئے اسے پارلیمنٹ پر حملہ قرار دیا۔ انہوں نے کہا کہ اراکین پارلیمنٹ کی گرفتاری کی مذمت نہ کرنے کی کوئی وجہ نہیں۔ نوید قمر نے کہا کہ یہ ایک غیر معمولی معاملہ ہے جس کی سنجیدہ تحقیقات اور کارروائی کی ضرورت ہے۔ جب پی ٹی آئی کے بانی کے پارلیمنٹ کے باہر احتجاج کو پارلیمنٹ پر حملہ سمجھا جاتا ہے تو پھر پارلیمنٹ کے اندر سے ارکان کو گرفتار کرنے کے بعد کیا بچے گا؟۔یپلز پارٹی کے رہنما کا کہنا تھا کہ کل ایوان کے اندر سے ارکان کو بھی گرفتار کریں گے۔ کوئی احترام نہیں ہے، کوئی مستقبل نظر نہیں آتا، براہ مہربانی سخت کارروائی کریں۔ جب پارلیمنٹ پر حملہ کرنے کی بات آتی ہے تو ہم سب متحد ہیں۔
مزید پڑھیں: پارلیمنٹ کے اندر سے کسی کو گرفتاریاں ناقابل قبول ہیں، سپیکر قومی اسمبلی آئی جی اسلام آباد پر برہم
یاد رہے کہ گزشتہ روز پی ٹی آئی کے چیئرمین بیرسٹر گوہر اور کئی دیگر اہم رہنماؤں کو پارلیمنٹ ہاؤس سے حراست میں لیا گیا تھا۔ پاکستان تحریک انصاف (پی ٹی آئی) کے رہنما علی محمد خان نے گزشتہ رات کے واقعے کو پاکستان کی جمہوریت کی 9 مئی قرار دیتے ہوئے مطالبہ کیا ہے کہ پارلیمنٹ پر حملہ کرنے والوں کے خلاف آرٹیکل 6 کا اطلاق کیا جائے۔
