پاکستان تحریک انصاف (پی ٹی آئی ) نے ناراض رکن قومی اسمبلی مبارک زیب کو منا لیا۔
تفصیلات کے مطابق نجی ٹی وی چینل دنیا نیوز کا اپنی رپورٹ میں بتانا ہے کہ وزیراعلیٰ خیبر پختوانخو علی امین گنڈا پور کے فوکل پرسن رکن قومی اسمبلی شاہد خٹک نے ناراض رکن مبارک زیب سے تفصیلاً ملاقات کی اورانہیں منایا۔
یہ بھی پڑھیں: قومی اسمبلی کے خصوصی کمیٹی اجلاس میں مولانا فضل الرحمٰن کی شرکت
اس موقع پر رکن قومی اسمبلی مبارک زیب سے گفتگو کرتے ہوئے ان کا کہنا تھا کہ پارٹی کے ساتھ گلے شکوے ہوں گے لڑائی جھگڑے بھی ہوں گے لیکن جب بات بانی پی ٹی آئی عمران خان میرے لیڈر پر آئی تو ہم ایک ہیں۔
یہ بھی پڑھیں: حکومت کو آئینی ترامیم سے متعلق اجلاس مؤخر کرنے کا مشورہ دیا:عبدالغفورحیدری
واضح رہےرواں سال 16اپریل کو باجوڑ میں ضمنی الیکشن کے لئےٹکٹ مانگنے پر مبارک زیب نے الزام لگایاتھا کہ الیکشن نہ لڑنے کے بدلےمیں انہیں وزیراعلیٰ کے پی کےعلی امین گنڈاپور کی جانب سے 7 کروڑ روپے اور سرکاری نوکری کی آفر بھی کی گئی جب کہ علی امین گنڈا پور ان الزامات کی تردید کردی تھی۔