By پاکستان تحریک انصاف کے رہنما بیرسٹر علی ظفر نے کہا ہے کہ حکومت نے کسی کے کہنے پر آئینی ترمیم لانے کی بھرپور کوشش کی۔
تفصیلات کے مطابق جیو نیوز کے پروگرام میں گفتگو کرتے ہوئے مسلم لیگ (ن )کے مرکزی رہنما ڈاکٹر طارق فضل چوہدری نے کہاکہ اسمبلی میں حکومت کے 13نمبر کم تھے ، اس لئے ترمیم پیش نہیں کی گئی ، ان کا مزید کہنا تھا کہ دو ہفتوں بعد دوبارہ آئینی تر میم لائینگے۔
پی ٹی آئی کے رہنما بیرسٹر علی ظفر نے کہا کہ ہمیں پورا یقین تھا حکومت کے پاس نمبرز پورے ہیں، ہم بھی تیار تھے کہ اس سے متعلق حکومت سے بحث کریں گے ، 18ویںترمیم میں ایک سال لگا تھا۔
بیرسٹرعلی ظفر کا کہنا تھا کہ حکومت نے کسی کے کہنے پر آئینی ترمیم لانے کا فیصلہ کیا ، ان کو لگا تھا کہ سینیٹ سیشن رات میں بلا کر آئینی ترمیم کر لیں گے، مولانا فضل الرحمان نے کہا بہت ساری شقیں مجھے نہیں دکھائی گئیں، حکومت کو مولانا فضل الرحمان کی بات سے ناکامی ہوئی۔
یہ بھی پڑھیں:22 ستمبر کو پشاور میں موبائل فون سروس کیوں معطل کی جائیگی ؟ وجہ جانیے
انہوں نے کہا کہ ججز کی تعیناتی کے عمل کو بہتر بنانے کی ضرورت ہے، ہوسکتا ہے ایک دو آئینی ترمیم صحیح بھی ہوں گی، جس طرح پیکج آیا، اس پر کھسر پھسر کی گئی، کھچڑی کھائی جا سکتی ہےلیکن یہ ایسی چیز بن گئی جسے کھا بھی نہیں سکتے۔
