By مسلم لیگ کے رہنما طارق بشیرچیمہ نے کہا ہے کہ ہرالیکشن میں نئےصوبےکا نعرہ لگا کرعوام کوبیوقوف بنا یا جاتا ہے ۔
تفصیلات کے مطابق نجی ٹی وی چینل دنیا نیوز میں گفتگو کے دوران طارق بشیر چیمہ کا کہنا تھا کہ حکمران جوہر الیکشن میںنئےصوبوں بنانے سے متعلق باتیں کرتے ہیں اس کی حیثیت سوائےسیاسی نعرے کےکچھ نہیں ۔
یہ بھی پڑھیں:ملک کو کوئی نقصان پہنچا تو سب لکیر پیٹیں گے : چوہدری شجاعت
سیاسی جماعتیں صرف اور صرف سیاسی اسٹنٹ کے لیے نئے صوبے بنانے کے نعرے لگاتی ہیں۔ ان کا کہنا تھا کہ ملک میں نئے صوبے بننے چاہئیں اس سے لوگوں کے لیے آسانیاں پیدا ہوں گی۔
اگر نئے صوبے بن جائیں تو سارا بجٹ لاہور اور ملتان میں نہیں لگے گا ۔ طارق بشیرچیمہ کا کہنا تھا کہ نئے صوبوں بنانے کے حوالے سے سب ایک دوسرے کو دھوکہ دے رہے ہیں۔
یہ بھی پڑھیں:اربوں روپے مختص بجٹ کے باوجود پنجاب کے ہزاروں دل کے مریض بروقت علاج سے محروم
بہاولپور کے لوگوں نے متفقہ آئین پر دستخط کئے تھے، ہمیں جنوبی پنجاب صوبے سے کوئی اختلاف نہیں، تخت لاہور کے بعد اب ملتان کے جوتے کھانا شروع کر دیں، بہاولپور صوبے کی حیثیت بحال کی جائے۔
رہنما مسلم لیگ کا مزید کہنا تھا کہ بہاولپوراسٹیڈیم میں بانی پی ٹی آئی نے بھی صوبہ بنانےکا اعلان کیا تھا، پاکستان پیپلزپارٹی نئےصوبے کا نعرہ صرف ملتان کی حد تک لگاتی ہے ، عام ا نتخابات میں نئے صوبے کا نعرہ لگا کر عوام کوبیوقوف بنایا جاتا ہے۔
