By جنوبی وزیرستان کے علاقے اعظم ورسک میں پاک فوج کی چوکی پر خوارج کی جانب سے بارود سے بھری گاڑی کے ذریعے خودکش حملے کی کوشش ناکام بنا دی گئی۔
سیکیورٹی ذرائع کے مطابق حملہ آور گاڑی کے ذریعے آرمی پوسٹ کو نشانہ بنانے کی کوشش کر رہا تھا، تاہم پاک فوج کے ہائی الرٹ دستوں نے بروقت کارروائی کرتے ہوئے گاڑی کو ہدف تک پہنچنے سے پہلے ہی تباہ کر دیا۔
حملہ آور اسی کارروائی کے دوران جہنم واصل کردیا گیا، جس کے باعث ایک بڑے جانی نقصان سے بچاؤ ممکن ہوا۔ واقعے میں قریبی علاقے میں موجود 7 شہری زخمی ہوئے جنہیں فوری طور پر ڈی ایچ کیو ہسپتال وانا منتقل کیا گیا۔ ایم ایس ڈاکٹر جان محمد کے مطابق زخمیوں کو طبی امداد فراہم کی جا رہی ہے۔
یہ بھی پڑھیں :اورکزئی: سیکیورٹی فورسز کی بروقت کارروائی، خوارج کا حملہ ناکام
