By برطانوی ہائی کمیشن کی جانب سے پاکستان میں سیلاب کی تباہ کاریوں کے ازالے کے لیے ایک کروڑ پاونڈز کی منظوری کی گئی ہے جس سے سیلابوں سے متاثر 13 اضلاع کے افراد کی مالی معاونت ہو گی۔
برطانوی ہائی کمیشن نے پاکستان میں سیلابی نقصانات کے ازالے کے لیے لیے ایک کروڑ پاؤنڈ کےفنڈز کے اجراء کی منظوری دی ہے جس کے تحت ان فیملیز کی مالی معاونت کی جائے گئ جو سیلابوں سے شدید متاثر ہوئے ہیں ۔ برطانوی ہائی کمیشن کے مطابق رواں برس مون سون سیزن کے دوران شدید بارشوں سے 350 افراد جاں بحق اور 650 سے زائد زخمی ہوئے ہیں اورشدید بارشوں اور سیلابی صورتحال کے باعث مختلف علاقوں میں 78 ہزار سے زائد گھر تباہ ہوئے ہیں ۔
مزید پڑھیں: شنگھائی تعاون تنظیم اجلاس کے دوران پمز انتظامیہ کا ہسپتال کو ہائی الرٹ رکھنے کا فیصلہ
برطانوی ہائی کمیشن کےمطابق برطانوی حکومت کی امداد سیلاب سے شدید متاثرہ 13 اضلاع کے افراد کی معاونت کرے گی ، برطانوی ہائی کمیشنر جین میرٹ کے حکام کے مطابق پاکستان میں مون سون کا اختتام ہو چکا مگر بحالی کا آغاز اب ہوا ہے۔ برطانوی ہائی کمشنر نے کہا کہ سیلاب نے اس سال پھر پاکستان میں تباہی مچائی اور قیمتی جانوں کا ضیاع ہوا ہے اوربرطانوی ہائی کمیشن متاثرہ خاندانوں کے لیے فوری بحالی کے اقدامات اٹھا رہا ہے۔
