چانسلر کا انتخاب، عمران خان کی شمولیت نے آکسفورڈ یونیورسٹی کو مشکل میں ڈال دیا

آکسفورڈ یونیورسٹی کے چانسلر کے انتخاب میں بانی پی ٹی آئی عمران خان کی شمولیت نے یونیورسٹی کو ایک نئی مشکل میں ڈال دیا ہے۔

غیر ملکی میڈیا کی رپورٹ کے مطابق، آکسفورڈ یونیورسٹی کو یہ نہیں معلوم تھا کہ چانسلر کے انتخاب کا یہ سادہ عمل اتنا پیچیدہ ہو جائے گا۔
برطانوی اخبار کے مطابق آکسفورڈ یونیورسٹی نے یہ جاننے کے لیے قانونی مشاورت طلب کی ہے کہ آیا عمران خان چانسلر بننے کے معیار پر پورا اترتے ہیں یا نہیں۔

یہ بھی پڑھیں: پی ٹی آئی کی بڑی شخصیت گرفتار

لارڈ پیٹن آف بارنس کی ریٹائرمنٹ کے بعد چانسلر بننے کے لیے مقابلہ شروع ہو چکا ہے۔ اس بار یونیورسٹی چانسلر کا انتخاب آن لائن مقبولیت کے ووٹ کے ذریعے کرے گی، جس میں سابق طلبہ کو امیدواروں کی ترجیح کے مطابق درجہ بندی کی دعوت دی گئی ہے۔

امیدواروں میں لارڈ ولیم لیگ، لارڈ لیٹر مینڈلسن، لیڈی ویلش انجولینی، اور ڈاکٹر مارگریٹ شامل ہیں۔ کسفورڈ یونیورسٹی اس ہفتے چانسلر کے انتخاب کے لیے اہل امیدواروں کا اعلان کرے گی، جبکہ انتخابی عمل مکمل ہونے پر نئے چانسلر کا اعلان رواں سال کے آخر میں کیا جائے گا۔