By پاکستان نے ترکیہ میں ہونے والے مہلک حملے کی شدید مذمت کی جس میں کم از کم پانچ افراد جاں بحق ہوئے اور اسے بزدلانہ کارروائی قرار دیا۔
تفصیلات کے مطابق دہشت گردانہ حملہ انقرہ کے قریب ترکش ایرو اسپیس انڈسٹریز کے ہیڈ کوارٹر میں ہوا جہاں دو حملہ آوروں نے پانچ افراد کی جان لے لی اور 22 دیگر زخمی ہوئے۔ جائے وقوعہ پر موجود عینی شاہدین نے بتایا کہ فائرنگ کے بعد ایک زوردار دھماکہ ہوا۔ ترکی کے وزیر داخلہ علی یرلیکایا نے حملہ آوروں کی ہلاکت کی تصدیق کرتے ہوئے اس واقعہ کو دہشت گردانہ حملہ قراردیا۔
انہوں نے بتایا کہ زخمیوں میں سے تین کی حالت تشویشناک ہے۔ آج کے اوائل میں پاکستان کے دفتر خارجہ کی طرف سے جاری کردہ ایک بیان میں حکومت نے متاثرین کے خاندانوں کے ساتھ دلی تعزیت کا اظہار کیا اور زخمیوں کی جلد صحت یابی کی امید ظاہر کی۔ بیان میں کہا گیا ہے کہ پاکستان نے د ہشت گردی کی لعنت سے نمٹنے کے لیے ترکی کی کوششوں کے لیے اپنی غیر متزلزل حمایت کا اعادہ کیا۔
اس بات پر زور دیتے ہوئے کہ ملک اس مشکل وقت میں ترک عوام کے ساتھ یکجہتی کے ساتھ کھڑا ہے۔ صدر آصف علی زرداری نے بھی حملے کی مذمت کرتے ہوئے ترک حکومت اور عوام کے ساتھ یکجہتی کا اظہار کیا۔ انہوں نے کہا کہ ہم ان لوگوں کے خاندانوں سے اپنی گہری تعزیت کا اظہار کرتے ہیں جنہوں نے اس بزدلانہ حملے میں اپنی جانیں گنوائی ہیں۔
صدر زرداری نے اس بات پر بھی روشنی ڈالی کہ دہشت گردی اپنی تمام شکلوں اور مظاہر میں ایک عالمی خطرہ ہے اور پاکستان نے دہشت گردی کی لعنت کو برداشت کرتے ہوئے اس طرح کی وحشیانہ کارروائیوں سے ہونے والے درد اور تکلیف کو سمجھا۔ انہوں نے اس بات پر زور دیا کہ دہشت گرد امن اور انسانیت کے دشمن ہیں۔
انہوں نے دہشت گردی کی لعنت کے خاتمے اور تمام اقوام کے محفوظ مستقبل کو یقینی بنانے کے لیے عالمی برادری کی جانب سے مشترکہ کوششوں کی ضرورت کا اعادہ کیا۔ میری دلی تعزیت میرے پیارے بھائی صدر رجب طیب اردگان اور ترکی کے عوام کے ساتھ ہے۔ وزیراعظم نے سوشل میڈیا پر کہا کہ پاکستان اپنے ترک بھائیوں کے ساتھ مکمل یکجہتی کے ساتھ کھڑا ہے۔
