راولپنڈی میں گزشتہ 24 گھنٹوں میں 140 افراد میں ڈینگی پازیٹیو ہونے کی تصدیق

راولپنڈی میں انسداد ڈینگی مہم کے باوجود ڈینگی مچھروں کے حملوں میں کمی نہ آ سکی اورگزشتہ 24 گھنٹوں کے دوران راولپنڈی کے مختلف علاقوں میں 140 افراد میں ڈینگی پازیٹیو ہونے کی تصدیق ہوئی ہے۔

تفصیلات کے مطابق راولپنٖڈی میں ڈینگی سے متاثرہ افراد کی تعداد ساڑھے چار ہزار تک پہنچ چکی ہے اور گزشتہ 24 گھنٹو میں راولپنڈی کے مختلف علاقوں میں ڈینگی سے متاثرہ کیسز کی تعددا140 تک پہنچ گئی ہے۔ اسپتالوں میں زیر علاج ڈینگی پازٹیو کے مریضوں کی تعداد 277 ہو گئی ہے۔راولپنڈی میں ڈینگی آؤٹ بریک کا مرکز پوٹھوہار ٹاؤن کے علاقے بن گئے۔

رواں سیزن ابتک ڈینگی سے متاثرہ کنفرم مریضوں کی تعداد 4367 تک پہنچ گئی،محکمہ صحت کے مطابق ڈینگی کے79 مریض بینظیر بھٹو جنرل ہسپتال 67 ہولی فیملی ہسپتال میں زیر علاج ہیں، 44 مریض ڈسٹرکٹ ہیڈ کوارٹر ہسپتال اور 32 فوجی فاؤنڈیشن میں داخل ہیں، گزشتہ چوبیس گھنٹوں میں ڈینگی کے 60 مریض پوٹھوہار ٹاؤن 19 میونسپل کارپوریشن علاقوں سے آئے۔

راولپنڈی کنٹونمنٹ 35 اور چکلالہ کنٹونمنٹ سے 8 مریض آئے۔کہوٹہ سے 1 مریض کلر سیداں 2 پوٹھوہار رولر سے13 ٹیکسلا سے 2 مریض رپورٹ ہوئے۔ رواں سیزن میں ابتک منکی پاکس کا کوئی مریض نہیں آیا۔رواں برس ڈینگی لاروا ملنے پر شہریوں اور کاروباری حلقوں کے خلاف 5146 ایف آئی آر درج کیے گئے۔1803

عمارتیں سر بمہر3256 چالان ٹکٹ جاری کیے گئے ۔ابتک ڈینگی لاروا وارننگ کے باوجود دوبارہ ملنے پر 2 کروڑ 13 لاکھ 24 ہزار روپے جرمانہ کیا گیا ہے۔