عاطف خان کو اینٹی کرپشن کی جانب سے نوٹس جاری

اینٹی کرپشن خیبرپختونخوا نے سابق وزیر تعلیم عاطف خان کو نوٹس جاری کرتے ہوئے بارہ نومبر کو پیش ہونے کی ہدایت کی ہے۔

تفصیلات کے مطابق عاطف خان پر مالم جبہ پروجیکٹ میں کرپشن اور اختیارات کے ناجائز استعمال کا الزام ہے۔ وزیراعلیٰ کے پی علی امین گنڈا پور نے عاطف خان کو اینٹی کرپشن نوٹس کی کاپی فراہم کی۔ نوٹس میں فضل ہاؤسنگ سوسائٹی کے حوالے سے انکوائری، پرائیویٹ ہاؤسنگ سوسائٹی کی خریداری اور حدبندی کی تحقیقات کا ذکر ہے۔

یہ بھی پڑھیں: پی ٹی آئی دوحصوں میں تقسیم، عمران خان کی رہائی کا مطالبہ عاطف خان کے گلے پڑ گیا

سابق وزیر نے کہا کہ مالم جبہ کیس پہلے ہی نیب اور پشاور ہائیکورٹ میں بند ہو چکا ہے، اور یہ سیاسی مقاصد کے لئے دوبارہ کھولا جا رہا ہے۔ وزیراعلیٰ نے عاطف خان کے بیان پر ردعمل دیتے ہوئے کہا کہ انہیں حقیقت کا علم ہونا چاہیے تھا اور وہ اتنے غیر اہم نہیں کہ ان کے خلاف نوٹس جاری کرنے میں وقت صرف کیا جائے۔